Attaveqaatinut sullissisussarsiorpugut aamma pinnguartitsisinnaasumik

Nunatta Atuagaateqarfiani atorfimmik nutaamik pilersitsingatta 19. april 2010 aallartittussamik imaluunniit isumaqatigiissuteqarnikkut ullu alla aallartittussamik.
Illit pissarsiariniarsaraatsigit imaammat:

• Oqaatsit allattariarsornerlu atorlugit paassissutissiillaqqissuullutillu
  attaveqallaqqissuungavit
• Illit paasisimangakku inersimasunut, inuusuttunut meeqqanullu attaveqarniaraanni
  periusissat assigiinngitsut atorneqartartussaammata
• Akisussaassuseqartuungavit nutaanillu sammisaqarusuttuullutit
• Namminersorlutit suleqateqarlutillu sulisinnaangavit
• Kalaallisut qallunaatullu oqalussinnaangavit allassinnaallutillu

Atorfik aatsaat pilersinneqarpoq taamaammallu assigiinngitsorparujussuarnik imaqarsinnaalluni. Illit nammineq atorfiup imassai ilusilersueqataaffigisussaassavatit namminerlu aalajangiisupilorujuussuussallutit.

Atorfik allaffimmiut suliarisartagaasa ilaanik imaqassaaq, kisianni suliassat annersaasa ilagissavaat atuakkanut allanullu tunngatillugu paasissutissanik allaaserinninneq attaveqaatinullu ingerlatitseqqiineq. Tusagassiutinut nalunaarsusiorneq ilaatigut akisussaaffigissavatit aamma atuagaateqarfiup tusagassiortunut suleqateqartarnerat ingerlattassavat.

Sulisut allat suleqatingalugit atuakkat kalaallisuut paasissutissiarisarneri suliarisassavatit. Meeqqanut atuagaatilerisut peqatingalugit meeqqanut inuusuttunullu paasissutissiisarneq suliassanut pingaarnernut ilaasut suleqataaffigisassavatit. Taamaattumik meeqqat atuagaannik soqutiginnittuunissat kissaatigaarput. Atuagaateqarfimmi paasissutissiisarneq assigiinngitsorpassuit atorlugit ingerlanneqartarsinnaavoq soorlu internettikkut, pinnguartitsinikkut imaluunniit allatut iliornikkut.

Isumassarsiullaqqissuuneq ileqqutoqqanillu allaanerusunik iliuuseqarsinnaaneq meeqqanut inuusuttunullu paasissutissanik sananermi iluaqutaaginnartarpoq.
Atuagaateqarfiup avammut nittarsaannissaa ineriartorteqqinnissaalu aamma suliarisassavatit. Ilaatigut aamma sammisassaqartitsisarnissat sulisut allat peqatingalugit aaqqissuisooqataaffigisassavatit.

Meeqqat atuagaateqarfiani ilaannikkut vagteqartarnissat aamma naatsorsuutigissavat.

Sapaatip akunneranut akunnerit 40-it suliffiusarput.
Akissarsianut atorfinitsitaanermullu tunngasut Namminersornerullutik Oqartussat akornanni isumaqatigiissutit atuuttut naapertorlugit pissapput. Atorfininnermut ilaapput sulilernermi soraarnermilu akiliunneqarluni angalasinnaatitaaneq kiisalu pigisat nassiunneqarnissaat akilerneqassapput. Atorfimmut inissaqartitsisoqassaaq ineqarnermut akiliutinik qularnaveeqqutinik il.il. sumiiffimmi malittarisassat sukulluunniit atuuttut malillugit akilerneqartartussamik. Naatsorsuutigineqassaaq sivisulaartumik utaqqiisaasumik ineqartinneqarnissaq inissaaleqinerujussuaq peqqutigalugu.

Annertunerusumik atorfik pillugu paasisaqarusukkuit Meeqqanut Atuagaateqarfimmi pisortaq Mette Laustsen mette@katak.gl tlf. 348927 imaluunniit Nunatta Atuagaateqarfiata pisortaa Elisa Jeremiassen elisa@katak.gl saaffigiuk - oqarasuaat 321156

Qinnuteqaat uppernarsaatinik assigisaannillu imalik kingusinnerpaamik 19. marts 2010 Nunatta Atuagaateqarfianut allakkatigut imaluunniit e-mailikkut nassiunneqassaaq.