| Qaammammi
sammisaq - November 2009
|
|
QARASAASIAKKUT NAAPITASSARSIORNEQ |
 Internet-ip ukiuni kingullerni sukkasuumik ineriartornera malitsigalugu, ukioqqortussitsinut arlariinnut nunatsinnittaaq naapiffinngorsimavoq. Kiap ilisimanngilai Meet Your Messenger, Dating.dk, 2.Hearts, Tagged, Arto inuusuttuaqqanut, Inequnaq.com , allarpassuillu, minnerunngitsumillu Facebook, qinnuteqarnikkut inuit ilaatigut ikinngutigineqarniarneqarsinnaallutik.
Siusinnerusukkut aviisit inuit imminnut attaveqatigiinniarneq anguniarlugu aqqutigineqartarput, kisianni piffissap ingerlanerani, qarasaasiakkut naapitassarsiorneq annertuumik nuannarineqaluttuinnalersimavoq, inuillu pillualernissaq ujartortillugu namminneq ilisarnaatertik pilersittalerpaat, taamatuttaaq toqqaannartumik qarasaasiaq aqqutigalugu allaqatigiilersinnaaneq periarfissaalerluni.
Inuit ilaannut asanninneq nassaarinissaa immaqa iluatsissinnaasarpoq, allanullu naamik, ajutoornissamut aamma nakkarfeqarsinnaasarami aaqqissaasumik pinerliiniartoqartillugu, pinerlunniallu netdating-imik atuisartut aningaasannanniarfigisarlugit.
Tamanna arlariinnik assersuutissaqarpoq, aviisinillu allaaserisani assigiinngitsuni allaaserineqarsimallutik. Angutit arnanik nunanik allamiunik saaffigineqartarsimallutik, asannipallunneq piffissap sivikitsup ingerlanerani pilersinneqarluni, arnarlu angutip angerlarsimaffianut, nunaanut, nuunnissani kissaatigalugu. Arnarlu allaat aningaasanik timmisartornissamut bilitsissaminik nassinneqarnissani kissaatigalugu.
Angut ajunngitsumik siunertaqarluni tatiginnillunilu aningaasat nassiullugit, arnarli mittarfimmut
tikinngisaannarluni, angullu asanninnerusussaangaluartoq aningaasallu annaallugit.
Imaluunniit arnat assigiinngitsutigut aamma angutinit uukapaatinneqarlutik, assersuutitullu kinguaassisornikkut atornerlunneqarniarsarineqarlutik.
Qarasaasiakkut naapitassarsiortarneq, meeqqanut (soorlu taakkartukkatut Arto), inuusuttunut, inersimasunut, utoqqaanullumi takkussimavoq atajuartussaasutut. Netdating-ip iluatsilluarsinnaaneranik arlalinnik aamma assersuutissaqarpoq, ajunngitsumillu kingunilimmik.
Sulili inuit amerlasuut akornanni namminerisaminni naapikkusuttartut, cafe-mi, imerniartarfimmi, imaluunniit filmertarfimmi.
|
Atuakkanik ujasiffik: |
 Dating
Dating
Netdating |
Internettimi attaviit
ingerlaqqiffiusut: |
Uukapaatinneqarneq
Uukapaatitsiniaasartut
Dating nunatsinni
Dating pillugu atuakkat
Pimoorussamik naapitassarsiorneq
Utoqqasaanut naapitassarsiorneq
Dating Qallunaat nunaanni
Dating nunani allani
 Sammisat tamaasa takukkit
|
|
| Copyright
2005, Nunatta Atuagaateqarfia, Det Grønlandske Landsbibliotek
Imaneq 26, Postboks 1011, 3900 Nuuk, Tlf: 32 11 56, Fax: 34 89 49
Nutarternera:
16. April 2010
E-mail: nalib@katak.gl
|
|
|
|
|
UANIIPPUTIT: Saqqaanut > Isumassarsiorneq > Qaammammi sammisaq (arkiv) > Qaammammi sammisaq 
NERSUALAARINNISSUTIT
