Nuummi najugaqaruit nipilersuutit suulluunniit nammineq qarasaasiarnut imaluunniit atorniartarfiup qarasaasiaanut nuullugit akeqanngitsumik atorsinnaavatit. BibZoom.dk suleqatigalugu Nunatta Atuagaateqarfiata nipilersuutit 3 mio. sinnerlugit nipilersortunik peqarpoq, nutaaniit ”qanganitsanut” – nutaaqartuaannarporlu. Nipilersuutit akeqanngitsumik atorneqarsinnaapput.
Taassuma saniatigut Bibzoom.dk-mut iserlugit nipilersortunut tunngasunik nutaarsiassanik atuarsinnaavutit.

Qarasaasianut windows-ilinnut taamaallaat nuussineq!!!

Bibzoom.dk-miit Mac’ilinnut Linux’ilinnullu nuussisoqarsinnaanngilaq. Tamatuma tunuliaqutigaa piginneqqaartussaanermik piginnittut Bibzoom.dk-mut piumasarimmassuk isumannaallisaaneq eqqarsaatigalugu aalajangersimasunuinnaq nuunneqartassasut. Maskiinap atortui uku pineqarput WMA (Windows Media Audio) – Windows Media Players taakku Windows-imiipput.

Uuma piginissaa piumasaqaataavoq: Windows 98 imaluunniit nutaaneq

Atornianut malittarisassat:
Nipilersuutinik atorniaruit Nuummi najugaqassaatit, atorniartartutut nalunaarsimassaatit pikodoqarlutillu. Ullut arfineq-marluk atorsinnaatitaavutit. Ullut taakku qaangiuppata nipilersuut nammineq piissaaq.

Nipilersuut tigujuk:

Nipilersuut atukkat mp3’ernut mobilernulluunniit nuussinnaavat uku piumasaqaatit malinneqarpata:
Nipilersuutivit WMA pigissavaa
Nipilersuutivit DRM 10 pigissavaa
Nipilersuut nuussinnaajumallugu qarasaasiavit Windows Media Player 10 imaluunniit nutaanerusoq pigissavaa

Ajoraluartumik Apples’it (aamma iPods’it) WMA-qanngillat aamma DRM piginngilaat, taakkulu nipilersuutaarniarfiit piumasaaqatigaat.

Bibzoom.dk iserfigalugu suut atorneqarsinnaanersut misissuataarisinnaavutit. Allattuiffik ingerlalluarpoq atuisullu paasissutissaataat akuulluarnerallu pissutigalugit aserfallatsaalineqarluni.

Nipilersortut Groenlandicami

Atuakkanik atorniartarfik kalaallisuunik nipilersortunik Groenlandicami aamma peqarpoq, pigiinnarnissaalli eqqarsaatigalugit angerlaallugit atorneqarsinnaasut amerlanngillat.