|
Nunatta Atuagaateqarfianut tunngasut
|
Nunatta Atuagaateqarfia suua?
Nunatta Atuagaateqarfia Nuummi innuttaasunut atuakkanik atorniartarfiuvoq Kalaallit Nunaannilu atuakkanik
atorniartarfinni qitiusutut inissisimalluni.
Nunatta Atuagaateqarfianik kina atuisuusinnaava?
Atuagaateqarfik kikkunnut tamanut ammavoq aamma tikeraanut takornarissanullu
Nunatta Atuagaateqarfia qanoq atorsinnaaviuk?
Nunatta Atuagaateqarfiani atuakkanik atorsinnaavutit, atuagassianik, videonik, dvd-nillu. Atuartarfimmi aviisit atuagassialluunniit allat
atuarsinnaavatit.
Atuagaateqarfimmi sunilluunniit paaserusutarnik ikiorneqarsinnaavutit. PC-nik internettimillu akeqanngitsumik atuisinnaavutit aamma kopeersisinnaavutit
printerillutilluunniit. Uani atuakkit atuagaateqarfiup ilinnut kiffartuutigisinnaasai allat >Atuagaateqarfiup neqeroorutigai
Innarluutillit
Innarluutillit issiavinnik assakaasulinnik atuisut Atuagaateqarfimmut
aamma soorunami tikilluaqqusaapput. Isaarissami tummeraanngitsunik majuarfissaqarpoq taavalu inimut qullermukarniaraanni elevatoreqarluni. Majuarniaraanni saaffiginnittarfimmi sulisut arlaat saaffigineqarsinnaavoq.
Atuagaatilerisumik kiffartuunneqarneq
Inersimasunut meeqqanullu atuagaatilerisoqartuaannarpoq
atuagaateqarfinni saaffigineqarsinnaasumik. Atuakkat, aviisini
ilanngunneqarsimasut il.il. apeqqutigisinnaavasi imaluunniit internettimut atuinermut tunngasut.
Imaassinnaavoq atuagaatilerisup alla kiffartuukkamiuk issiavimmini issianngittoq, utaqqilaaginnassaatit erininarserianngitsoq
takkuteqqissaaq.
|
|
| ©
2005, Nunatta Atuagaateqarfia, Det Grønlandske Landsbibliotek
Imaneq 26, Postboks 1011, 3900 Nuuk, Tlf: 32 11 56, Fax: 34 89 49
Nutarternera:
22. February 2010
E-mail: nalib@katak.gl
|
|
|
|
|
UANIIPPUTIT: Saqqaanut > Paasissutissat > Atuagaateqarfimmut
tunngasut
NERSUALAARINNISSUTIT
