|
Meeqqanut atuagaateqarfik
|
Meeqqanut atuagaateqarfimmi atuakkanik qinaasinissaq ilinnut
ajornaannerutikkusullugu atuakkat kalaallisuut
inissisimaneri immikkoortitaarnikuuagut imatut:
tusarnersuliat (skønlittratur), atuakkat
aalajangersimasunik sammisaqarluni atuakkiarineqarsimasut
(faglitteratur), meeqqanut inuusuttuaqqanullu atuakkallu
meeqqanut minnernoortut assiliartakkaat.
Atuakkat qallunaatuut ima inissinneqarnikuuput: atuakkat
atuffassissutit, atuakkat meeraaqqanoortut, atuakkat
assiliartakkaat meeqqanut minnernut naleqquttut, titartakkat,
atuakkat aalajangersimasumik sammisaqarluni atuakkiat,
atuakkat assassornermut allanillu sananermut tunngasut,
atuartaleqqaanut atuagassat, atuakkat 9-13-nik ukiulinnut
naleqquttut inuusuttuaqqanullu atuakkat. Kiisalu atuakkat
qallunaatuut Kalaallit Nunaannut tunngasut immikkut
inissinneqarnikuupput atuakkiallu tusarnersuliat Kalaallit
Nunaanni pisimasuutinneqartut aamma immikkut
inissinneqarnikuullutik.
Angajoqqaanik perorsaasuniillu atorneqarsinnaasunik meeqqat
ineriartornerinut naleqquttunik pinnguaateqarpugut
atuagarpaalunnguanillu meeqqanut tunngasunik
atorneqarsinnaasunik peqarluta.
Video-nik, cd-rom-minik nipilersukkanillu aamma
atortoqarsinnaavoq atorusutat allap atorsimappagu
atuagaatilerisumut inniminniijumasinnaavutit.
Aviisinik atuagassianillu amerlagisassaanngikkaluartunik
aamma peqarpugut atorniartarfimmi atuarneqarsinnaasunik.
AGamezone aamma Illustreret Videnskab nutaanngittortai
angerlaallugit atorneqarsinnaapput.
Piumaguit aamma pinngussanik, unammissutinik, qalipaatinillu
atorsinnaavutit isersimanerni aliikkutassarnik.
17-niliisimanngikkuit internettimik atuisinnaavutit taavalu
3-12-nik ukioqaruit playstation spille atorsinnaallugu.
Atuiniaraanni internettimik aamma playstationimik
allatseqqaartoqartarpoq.
Ukiup ingerlanerani assigiinngitsunik
sammisassaqartitsisoqartassaaq
saqqummersitsisoqartassallunilu. Piumaguit meeqqanut
atuagaateqarfimmi saqqummersitsiumasinnaavutit, soorlu
arlaannik katersarnik allanut takutikkusutannik –
saqqummersitsiumassaguit atuagaatilerisumut
saaffiginniinnassaatit.
Sammineqarsinnaasut uani takukkit  Sammititassatut
pilersaarutit
Meqqanut atuagaateqarfimmi sammineqarsinnaasut
assigiinngitsut uani takukkit Meeqqanut
inuusuttunullu
Arlaannik nalornissuteqaruit atuagaatilerisut arlaat
saaffigiuk.
|
|
| ©
2005, Nunatta Atuagaateqarfia, Det Grønlandske Landsbibliotek
Imaneq 26, Postboks 1011, 3900 Nuuk, Tlf: 32 11 56, Fax: 34 89 49
Nutarternera:
17. March 2010
E-mail: nalib@katak.gl
|
|
|
|
|
UANIIPPUTIT: Saqqaanut > Paasissutissat > Meeqqanut atuagaateqarfik
NERSUALAARINNISSUTIT
