Allaffimmiut marluk

Nunatta Atuagaateqarfiani atorfiit 1. august 2010-mit inuttassarsiorneqarput
isumaqatigiissuteqarnikkut kingusinnerusukkulluunniit sulilersussanik.

Qiimasumik, nammineersinnaasumik kiffartuussinermillu nuannarisaqartumik suleqatissarsiorpugut.

Atorfik atuagaateqarfiup saaffiginnittarfianut atavoq. Tassani ilaatigut makkua suliarineqartarput: Atornianik kiffartuussineq tassungalu atatillugu allaffimmi suliassat assigiinngitsut.

Sapaatip akunneranut akunnerit 40-it suliffiusarput ilaannikkut matusisuusarnissaq kiisalu ilaannikkut weekendini sulisarnissaq naatsorsuutigineqassaaq. Aaqqissuussinerni assigiinngitsuni naatsorsuutigineqarsinnaavoq piffissap suliffiup nalinginnaasup avataatigut ilaannikkut sulisariaqartarnissaq.

Marluinnik oqaasilik piumaneruarput.

Atorfimmut atatillugu inissaqartitsisoqanngilaq.

Atorfinitsitsineq akissarsiallu Nammersorlutik Oqartussat SIK/HK-llu akornanni isumaqatigiissutit malillugit pissaaq.

Atorfik pillugu annertunerusumik paasisaqarusukkuit ukununnga paasiniaasinnaavutit immikkoortortami pisortaagallartoq Andrea Mathæussen tlf.: 348946 imaluunniit allaffimmi pisortaq Marie Markdal tlf.: 348923 attavigalugit.

Qinnuteqaat ilinniarsimanermik allagartamik siornatigullu suliffigisimasanik paasissutissanik
ilallugu Nunatta Atuagaateqarfianut nassiunneqassaaq 15. juli 2010 sioqqullugu.