|
Atuagaateqarfimmiittuuteqarnersiutit
|
1993-miilli atuagaateqarfimmiittuuteqarneq
aningaasarsissutaasinnaanngorpoq. Tamanna Inatsisartut
akuersineratigut pivoq taamanimiilli Inatsisartut
Aningaasaqarnermut Inatsisaanut ukiut tamaasa
aningaasaliiffigineqartalerpoq. Aaqqissuussineq tamanna
Nunatta Atuagaateqarfiata KIIIP suleqatigalugu /
sinnerlugu aqutaraa. Siunertarineqarpoq atuakkat
kalaallisuut - tassa kalaallisut oqaasertallit -
tapersersorneqarnissaat.
Aningaasanik pissarsisinnaasut tassaapput:
Kalaallisut atuakkiortut, kalaallisuunngortitsillutik
nutserisut. Taakku akissarsissutigisassavaat aamma atuakkat
båndimut immiunneqarsimasut.
Atuakkamik assiliartalersuisut imal. titartagartalersuisut
minnerpaamik atuakkap 40%-a assiliartalersorsimagunikku
imal. titartagartalersorsimagunikku.
Qulaani taaneqartunut uillarnerusut nuleernerusulluunniit.
Imaluunniit aappariinnermut nallersuunneqarsinnaasumik
sivikinnerpaamik ukioq ataaseq pissarsisinnaasup toqunera
tikillugu inooqataasimasut aamma qinnuteqarsinnaapput.
Piumasaqaatit allat: Atuagaq
pissarsissutaassaguni ukiup qinnuteqarfiusup aallartinnerani
Nunatta Atuagaateqarfiani atorniartakkatut
pigineqalereersimassaaq. Ikinnerpaamik 32-nik
qupperneqassaaq. Atuakkiortut amerlanerpaamik pingasuussapput.
(atuagaq pingasunit amerlanerusunit atuakkiortoqarpat
pissarsissutaasinnaanngilaq. Assers: Suluit).
Atuakkioqatigiit marluusimappata imal. pingasuusimappata
akissarsiassat assigiimmik agguaanneqassapput. Nutserisoq
atuakkiortup pissarsiassaata affaanik pissaqassaaq. Taavalu
nutserisut arlaqarsimappata atuakkiortutulli nutserisutut
pissarsiassaq agguaqatigiillugu pissavaat. Aaqqissuisutut
allassimasut pissarsisinnaanngillat.
Upernaakkut aprilimiugajuttoq qinnuteqarfissaq aviisitigut
nalunaarutigineqartarpoq. Qinnuteqaat nassiunneqassaaq
Nunatta Atuagaateqarfiani tiguneqareersimassalluni
kingusinnerpaamik 1. juni ukiumi qinnuteqarfiusumi.
Qinnuteqarsimanngitsut ukioq siulianiluunniit
qinnuteqarsimagaluarunik pissarsisinnaanngillat. Tassa
imaappoq pissarsissagaanni ukiut tamaasa
qinnuteqartariaqarpoq imaluunniit qinnutiginiakkat ukiut
siuliinit allaanerunngippata tamanna nalunaarutigineqassaaq.
Kalaallit Atuakkiortut qinnuteqarfissanik nassinneqartarput
taamaalillutik ilaasortaminnut toqqqaannartumik
nassitsisinnaallutik. Allat Kalaallit Atuakkiortunut
ilaasortaanngitsut Nunatta Atuagaateqarfianut imal.
illoqarfigisami atuagaateqarfimmut qinnuteqarfissanik
piniarsinnaapput.
Atuagaateqarfimmiituuteqarnermut
akissarsiassamik qinnuteqarfissaq pdf-fil-itut uani
aaneqarsinnaavoq.
Qinnuteqaatit misissorneqareeraangata qinnuteqartoq
nalunaarfigineqartarpoq qassit pissarsissutigissanerai.
Naatsorsuinerlu naammaginngikkaanni maalaartoqarsinnaavoq
naatsorsuutinik nalunaarutip tiguneraniit sap. ak.
sisamat qaangiutsinnagit uunga: KIIIP, Postboks 1029,
3900 Nuuk.
Maalaaruteqartoqarsimappat KIIIP-ip Kalaallit Atuakkiortut
peqatigalugit maalaarutaasut naliliiffigereeraangagit taava
pissarsiassat aningaasanngorlugit naatsorsorneqartarput
akissarsisussanullu bankikkoortillugit nassiunneqartarlutik.
Tamanna pigajuppoq ukiumi qinnuteqarfiusumi, kingusinnerpaamik novemberimi.
Annertunerusumik paasisaqarusukkuit Nunatta
Atuagaateqarfianut sianerlutit allallutilluunniit Elisa
Jeremiassen elisa@katak.gl
imaluunniit Steen Jeppson steen@katak.gl
paasiniaavigisinnaavat. Telefon: 32 11 56.
|
|
| Copyright
2005, Nunatta Atuagaateqarfia, Det Grønlandske Landsbibliotek
Imaneq 26, Postboks 1011, 3900 Nuuk, Tlf: 32 11 56, Fax: 34 89 49
Nutarternera:
22. February 2010
E-mail: nalib@katak.gl
|
|
|
|
|
UANIIPPUTIT: Saqqaanut > Paasissutissat > Atuagaateqarfimmiittuuteqarnersiutit
NERSUALAARINNISSUTIT
