Una aaqqissuussaq pillugu

Piffissaq
17:00 - 18:30
Akia
Akeqanngilaq
Sullinniakkat

Oqalugiarneq: Arnarulúnguaĸ & Kâivigarssuaĸ (Miteĸ)

ARNARULUNNGUAQ AAMMA QÂVIGARSSUAQ MITEQ – THULEMUT ILISIMASASSARSIORIARTORNERIT TALLIMAANNI 1921-24-MI PISUMI PEQATAASUT.

Arnarulunnguaq (1896-1933) aamma Qâvigarssuaq Miteq (1899-1978) sikuiuitsumut ilisimasassarsiortartoq Knud Rasmussen aamma assiliisoq Leo Hansen peqatigalugit Thulemut ilisimasassarsioriartornerit tallimaanni 1921-24-mi pisumi peqataapput. Kalaallit Nunaanniit Canadakkoorlutik aamma Alaskakkoorlutik Manerassuup tungaanut qimusserlutik ilisimasassarsioriartorsimapput. Arnarulunnguaq aamma Qâvigarssuaq Miteq issittumi inuuniallaqqinnerat peqqutaalluni ilisimasassarsiornermut peqataatinneqarput. Oqalugiarnermi sammisat uku iserfigineqassapput: Kalaallit Nunaata avannaa, inuit kultooriat, ajunaangajannerit, ilisimasassarsiorneq, USA-mi Hvide Husimi pulaarneq aamma Danmarkimut tikeraarneq. Oqalugiarnermi Ivalo Olsvigip eqqaamaneqarnerat oqaluttuarissavaa.

Ivalo Katrine Birthe Foget Olsvig cand.mag.-iuvoq Grønlandske og Arktiske Studiemi immikkut sammisaralugu inughuit marluk Arnarulunnguaq aamma Qâvigarssuaq Miteq Thulemut ilisimasassarsioriartornerit tallimaanni 1921-24-mi pisumi peqataasut. Ullumikkut Ivalo Olsvig Knud Rasmussenip illuani katersugaasivimmi pisortaavoq Creative Europe-suliami ‘Identity on the line’, kinaassuseq nuuttarnerillu pillugit ilisimatusarnermi suliniutaavoq, tassani suliniummi ukkatarineqarput: kalaallit Danmarkimiittut.