Groenlandicami atuakkanik saqqummersitsineq

Ilinniartitsisoq, pilersitsisartoq, inuiaqatigiinni oqallitsitsisoq Gudrun Chemnitz (1928-2004) arnaq suliumatooq sunniuteqarluarsimasoq. Chemnitz Kalaallit Nunaanni Arnat Peqatigiit Kattuffianni ilagiit sinniisaanni Nuummilu nalunnginneqarluartoq, qasusuilluni arnat kalaallit ileqqutoqaannik ilinniarsinnaatitaanerat anguniarsimavaa minnerunngitsumillu Nuussuarmi oqaluffeqalernissaa sulissutigisimallugu.

Sutigut tamatigut pimoorussisumik inuiaqatigiit arnartai nukittorsarusullugit tapersersuerusuttumillu sulisarsimanera nersugaasarsimaneratigut takussutissaapput: 1975-imi Kunngikkormiunit kuultiusumik saqqarmiulerneqarnerani, 1987-imi Danmarkssamfundets Æresplakette aamma Tørsleff & Co.-miit Husmoderlegatinnassimanerani 1991-imilu Kalaallit Nunaata kulturikkut nersornaataata tunniunneqarnerani.

Arnaq suliumatooq – peqatigiffinni uteriilluni anguniagaqarusussuseqarluni sulisimasoq, minnerunngitsumik ilinniartitsisuusimasoq meeqqanullu qulinut anaanaasoq ornigullutit paasisaqarfiginerusinnaavat.

Saqqummersitsineq sisamanngorneq marsip 31-at 2022-p tungaanut ingerlassaaq. Atuakkat saqqummersitamiittut tamarmik atorneqarsinnaapput. Atuagassiat anninnagit atuarneqarsinnaapput.

Nittartagarput aviisitoqqat iserfigalugu Gudrun Chemnitz pillugu Atuagagdliutit/Grønlandsposten, AvangnâmioK, Nalunaerutit aammalu Sujumut iserfigalugit ujarlersinnaavutit.

Arnat nukittuut pillugit isumassarsiorusukkuit qaammat una Nunatta Atuagaateqarfia aamma anguniakkat tallimaat sammisarigaat alakkarsinnaavat.