Kulturikkut kingornussarsiaq

Suliaq pingaarnerpaaq.

Groenlandicap Nunarput Inuilu Pillugit Atuagaateqarfiunermini suliassaa pingaarnerpaaq tassaavoq Kalaallit Nunaanni kulturikkut kingornussassanik katersineq, paarinninneq ingerlatitseqqiisinnaanerlu. Tamanna imaannaanngitsuuvoq annertunerujussuullunilu inuit takorluuisarneranninngaanniit.

Kulturikkut kingornussarsiaq  Groenlandicamiittoq atuagaannaanngilaq. Katersugaatit pigisavut ilaatigut tassaapput  aviisit, allagartarsuit (plakatit), quppersagaaqqat, nipilersukkat filmillu. Pinngitsoornani tunniussisussaatitaaneq atorlugu kalaallit atuakkiortui, naqiterisitsisartui, pisortat allaffeqarfii, suliffeqarfiit, allaammi illit kulturikkut kingornussarsiassaq siunissamut qulakkeerinneqataaffigisinnaavat.

Groenlandicap pingaarnertut qitiutippaa aserutsaaliineq ingerlatitseqqiisinnaanerlu. Kissaatigisarput pimoorullugu tassaagaluarpoq qaqutigoortunik aserutsaaliuinissaq ingerlatitseqqiisinnaanissarlu pigisat digitalinngorsinnaappata.