Bodil Kaalund
Bodil Kaalund
Inuusoq 1930. Det Kongelige Danske Kunstakademimi 1950-54 ilinniartuuvoq.
Nipaatsumik pikitsitsisoq kimigiiserluni piviusunik tunuliaqutaqarluni qalipaaniartuartoq ilisarnartuliaanngitsunik qalipaasalernerup pingaartinneqaleruttornerani. Qalipagannaarai assigiinngitsunut pingasunut immikkoortinneqarsinnaasut: Biibiliminngaanniit, nunap isikkui kiisalu ulluinnarni atortortuutit assigiinngitsut.
Kunstakademiimiinnermini naapippaa titartaasartoq atuakkiortorlu Jens Rosing. Taamanikkulli Kalaallit Nunaanni eqqumiitsulioriaatsimik soqutigisaqalernera aallartippoq tamatumalu nunatsinni eqqumiitsuliortunik isiginninnerup allannguuteqarneranik akuerineqalerneranillu kinguneqarpoq.
Kaalundip Kalaallit eqqumiitsuliaanik saqqummersitsineq taaguuteqartoq Grønlandsk kunst – fra Aron til i dag Louisianami december 1969-miit-januar 1970-mut pisoq aaqqissueqataaffigaa. Saqqummersitsinerup tamatuma pernaataasumik kalaallit suliaat eqqumiitsuliaasut imaanngitsoq taammajuitsussaannaasut imaluunniit etnografiskitut katersugaataannaanngitsut takutippaa.
Piffissami 1969-1971 Bodil Kaalundip qalipaasoq atuakkiortoq Hans Lynge suleqatigalugu Eqqumiitsuliornermik Ilinniarfik (Grafisk Værksted) Nuummiittoq pilersippaa. Kingusinnerusukkut Eqqumiitsuliornermik Ilinniarfik –Grønlands Kunstskole-mik taaguuteqalersoq.
Atuagaq Kalaallit eqqumiitsuliaat 1979-mi saqqummersoq imarisamigut maligassiuisuuvoq . Atuagaq pernaataasumik kalaallit eqqumiitsulioriaasiata oqaluttuassartaanik saqqummiisoq arlaleriarluni naqiteqqinneqartarsimavoq, qallunaatuumut tuluttuumullu aamma nutsigaavoq. Kaalund Hans Lynge aamma Aalut Kangermiu pillugit atuakkiaqarpoq.
Kalaallit Nunaanni eqqumiitsuliornermik pimoorussilluni soqutiginninnerata saniatigut oqaatigineqassaaq Bodil Kaallund aamma oqaluffinnik pinnersaalluni qalipaasarmat saniatigullu palasip uliguaanik allanillu oqaluffinni annoraaminernik atorneqartussanik allalersuisarluni. Pingaartumik taasariaqarpoq danskit biibilersuat Dansk Bibelselskabimit 1992-mi naqitertinneqartoq assiliartalersorsimammagu.
Ataqqinaatit:
1988-91: Statens Kunstfond
1993: Lyngby - Taarbæk Kommunes Kulturpris
2002: N.L. Høyen Medaljen
2005: Æresborger i Lemvig
2006: Nersornaat i sølv