Uagut pilluta
Greenlandic
Groenlandica tassaavoq Nunarput Inuilu Pillugit Atuagaateqarfik ilisimatusarnermullu tunngassutilinnik katersugaatilik, Nuussuarmi Nuummi inissisimasoq
Groenlandica suliffeqarfittut Nunatta Atuagaateqarfiata immikkoortortarivaa, kisianni Ilimmarfimmi inissisimasoq Ilisimatusarfiup atuagaateqarfia ataatsimut inissisimaqatigalugu.
Groenlandicap atuakkat Kalaallit Nunaanni saqqummersinneqarsimasut tamaasa katersortussaavai nalunaarsorlugit tammatsaaliorlugillu.
Groenlandicap pisussaaffiinut ilaavoq ilisimatusaatinik atuakkanik atuagassianik allanillu issittunut tunngasunik Kalaallit Nunaanni inuiaqatigiinnut isumaqarsinnaasunik katersuinissaq.
Groenlandicap aamma makku suliarisarpai:
- Nunatta eriagisarialinnut atuagaateqarfiatut qulakkeertussaavarput kulturikkut kingornussassat katersussallugit, nalunaarsussallugit kiisalu atuakkat Kalaallit Nunaanni saqqummersinneqarsimasut suulluunniit tamaasa qanoq ittuuneri apeqqutaatinnagit pissarsiariniassallugit. Tunniussisussaatitaanermut peqqussummi katersaateqarnissaq qulakkeerniarneqarpoq.
- Ilisimatusarnermut tunngatillugu atuagaateqarfittut qulakkeerniarneqassaaq kalaallisuujunngitsunik atuakkanik allanillu paasissutissanut tunngasunik katersaateqarnissaq soorlu naggueqatigut Inuit aamma nunat issittut pillugit, taamaalilluni atuagaateqarfiit allat atorniarfigeqatigiittarnermut tunngatillugu suleqatigineqartassapput kalaallisuunillu qarasaasiamut biblioteksbasemut nalunaarsuinikkut.
- Kulturimut tunngassutilinnik tamanut ammasumik saqqummersitsisarnikkut, assigiinngitsunik aaqqissuisarnikkut, oqalugiartitsisarnikkut, kulturimut tunngassutilinnik paarlaaqatigiittarnikkut, naqiterinikkut il.il. ilisimasanik atuagaateqarfittut akisussaaffittut siammarterivittut misigisassarsiornikkut nunatta kingornussarititaanik.
Tusagassiuutinut
Tusagassiortut Nunatta Atuagaateqarfiani Groenlandicamilu sulisunik atornianilluunniit immiussilluni apersuissagaagamik maleruagassaat:
- Sulisunik atornianilluunniit immiussilluni apersuisoqassappat aqutsisut aperineqartassapput.
- Meeqqanut Atuagaateqarfimmi immiussilluni apersuissagaanni angajoqqaat akuersitinneqaqqaartassapput.
- Apersuisoqartillugu atuisut allat akornusersorneqartassanngillat.