eReolen

… tassaavoq atuagaateqarfiit e-bogiutaat netlydbogiutaallu. Tableternit, smartphonernit imaluunniit PC/Mac-erniilluunniit sukkulluunniit atuarlugillu naalaarsinnaavatit.

Imaaliussaatit:

· Nunatta Atuagaateqarfiani atuisutut allatsissimassaatit. Nuup avataani najugaqaruit illoqarfigisanni atuagaateqarfimmut saaffiginnissaatit.

· Nittartagaq eReolen.dk iserfigalugu imalt. ’App Store’ imalt. ’Google Play’ aqqutigalugu app'eq aasinnaavat.

· Nuummiikkuit atorniarnermut allagartavit kisitsisitai imaluunniit cpr-nr. aamma pinkode atussavatit nunatsinni illoqarfimmi nunaqarfimmiluunniit allamiikkuit cpr-nr. pinkodelu atussavatit. ’Vælg dit bibliotek’-imi ’Kalaallit Nunaat/Grønland’ toqqassavat.

· eReolen.dk-mi  internetimut attaveqarlutit  atukkatit atuarsinnaavatit naalaarlugilluunniit.

· App'ikkut atukkatit downloadersinnaavatit, taamaalillutit internetimut attaveqanngikkaluarlutit atuarsinnaavatit naalaarlugilluunniit.

· E-bogit pingasut naalaagassallu pingasut ataatsikkut atorsinnaavatit. Ullut 30-t qaangiuppata atukkatit  atuarsinnaajunnaassavatit naalaarsinnaajunnaarlugillu.

· ’eReolen Global’-i tuluttuunik arlaqanngitsunillu kalaallisut e-boginik netlydboginillu imaqarpoq.

· ’eReolen Go’ meeqqanut inuusuttuaqqanullu naleqquttunik imaqarpoq.

vejledning_til_ereolen_app_android_opdateret_09012019kal.docx