IFFIALIORNERMIK NUANNARISAQARNEQ – Iffiap seernarsaasikkap tunuani

Iffiamik seernarsaasikkamik iffiorusuppit?

Nammineq iffialiornermik nuannarisaqarneq pillugu saqqummiinissamut peqataajartorit.

Karrinik, qajuusanik iffialiornermillu Qallunaat Nunaanni ilisimasaqarluartutut siuttuusup Åse Solvej Hansenip pitsaasumik seernarsaasikkamik iffialiortarnerminik oqaluttuutissavaatigut. Siullermik seernarsakkamit, peqqinnassusiata mamassusiata qiterpiaanit, iffiorlugu naammassinissaanut.

“Kikkorpassuit iffialiorneq misilissimavaat paasisarlugulu naatsorsuutigisamittut iffialiartik pitsaatiginngitsoq. Mamassusissamisut pitsaatiginngikkaangat, iffiaq qaffassimanngikkaangat seqummalagaangalluunnit imaluunniit qalippersimanera annertugaangat tunniutiinnarfigineqartarpoq. Kisiannili seernarsakkap qanoq suliarinissaa iffiornerullu sinnera qanoq ingerlanneqarnissaa nalunngiliuk, taava iffialiap iluatsinnissaa ajornanngitsunnguusarpoq,” Åse Solvej Hansen oqarpoq.

Åse Solvej Hansen Københavnip universitetiani lektoritut soraarninngoreeraluarluni suli attuumassuteqarpoq. Inuussutissanut tunngasunik ilinniagaqarsimavoq Universitetimilu ilisimatusarfigisimasamini karrit pitsaassusaannik inerititanillu puulinnik ilinniartitsisutut atorfininnginnermini Schulstad Brødimi atorfeqarsimalluni.