Saqqummiineq: Japanimiut atortuutaat

Piorsarsimassuseq suua aamma sooq pingaaruteqarpa? Kyotomi atortunik ileqquusumik atorneqartartunik pissanganartunik paasisaqarit. Kyotomi piorsarsimassuseq katersugaasivinniinnaanngitsoq takuneqarsinnaavoq. Ulluinnarni nalinginnaasuuvoq ukiuni qulikkuutaani atortut ilusilersorneqarsimasut atorneqartarmata aamma mesterit ilinniartullu akornanni. Piorsarsimassuseq ilusilersuilluni kusanartulerinerinnaanngilaq. Inuiaqatigiinni inuunermut ilusilersuisuuvoq ataatsimoorlunilu misigisassanut isumalersuisuulluni.

Yuki Tokunaga saqqummiinermini makkununnga tunngasunik oqaluttuassaaq:
• Qanoq ililluni atortut ileqquusumik atorneqartartut inuunermi eqqaamasassatut atorneqartarnersut.
• Nipaarsaarutaasumik ilisimasaq aamma timip pissusilersuutimigut aalariaasia
• Atortut, suliffissuit sivisuumillu eqqarsaatigilluakkat ataqatigiinneri
• Qanoq iliornikkut Japanimi Kyotop ingerlaavartumik piorsarsimassutsikkut pitsaasumik assersuutitsialaanera

Tamatuma saniatigut inuiaqatigiit ikittunnguit qanoq ilisimasaminnik atatitsiinnartarnersut, tunniussisarnersut nutarterisarnersullu pillugit isummersoqatigiittoqassaaq – aamma ataatsimoorussamik qanoq innarlitsaalineqarnissaata suliarisassaanera pillugu isummersoqatigiittoqassalluni.

Saqqummiisussaq
Yuki Tokunaga
Ilisimatusartoq, Forskningscenter for Avanceret Videnskab og Teknologimeersoq, Tokyo Universitet

Kyotomi atortunik ileqquusumik atorneqartartunut tunngasumik suliaqarluni ilisimatusarneq aqqutigalugu Yuki Tokunagap teknikkit ilisimasallu kinguaariit akornanni qanoq ingerlateqqinneqarsinnaanerat ilisimatusarfigivai.

Malugiuk: Saqqummiineq tuluttut ingerlanneqassaaq kalaallisullu nutserisoqassalluni.