Malittarisassat

Greenlandic
Atuagaateqarfimmik atuineq atugassaataanillu atorneq akeqanngilaq.

Atuakkanik qassinilluunniit atorsinnaavutit, kisianni filmit, CD-rom spilillu amerlanerpaamik tallimat atorneqarsinnaapput.

Atuagaateqarfik naqiterinermut kopeerinermullu aammalu atuisumit inniminnerneqarsimasunik immikkut ittunut akiliisitsisinnaavoq.

Imatut atorniartartunngorsinnaavutit

Atorniartartutut nalunaarsorneqalerniarlutit immersuiartoruit najugaqarnermut uppernarsaat imaluunniit kinaassutsimut uppernarsaataasinnaasoq alla inuup normuanik ilalik, soorlu biilersinnaanermut uppernarsaat nassassavat.

Atorniarnermut allagartaq akeqanngilaq illillu kisivit atorsinnaqavat. 

Ataasiinnarmik atorniarnermut allagartaqassaatit. Katassimagukku nutaamillu pisaarniarlutit 20 koruuninik akiliisinneqarsinnaavutit. Paasissutissaaterni allanngortoqarsimappat eqqaamassavat nalunaarutiginissaat. Soorlu nutaamik e-mailadresseqalersimaguit, nutaamik telefon normutaarsimaguit imaluunniit nuussimaguit.

Meeqqat

Meeraq atorniarnermut allagartartaarniarpat angajoqqaat/ akisussaasut atuagaateqarfimmukarlutik immersugassaq immersussavaat immersukkallu atsiornera saaffiginnittarfimmut tunniullugu.

Imatut atorniarsinnaavutit

Atorniarniaruit atorniutit pinkodilu nammineq toqqakkatit atussavatit.

Atorniarnerup sivisussusaa, sivitsuineq utertinerlu

Atuakkat, atuagassiat naalaagassiallu 

Ullut 31-it 

 Ugebladit, atuakkat juullerpaluttut il. il. 

Ullut 14-it 

Spilit aamma filmit

Ullut 7-it 

 

Atukkat inniminnerneqarsimanngippat ullorlu utertitsiffissaq nallereersimanngippagu, ataasiarlugu atornera sivitsorsinnaavat. 

Atuagaateqarfiup periarfissaqartillugu atugassaq ataasiaqqillugu sivitsorsinnaavaa. Atugassaq atorneratuulli isikkoqartillugu utertinneqassaaq.

Atuagaateqarfip atugassaataanik akeqanngitsumik inniminniisinnaavutit.

Danmarkimiit nunanillu allanit atuakkanik atorneq

Atuagaateqarfiup atuakkat Danmarkimiit nunanillu allanit 30 kr.-imik akiliisitsilluni inniminnersinnaavai aallernermi akilerneqartussamik.