Qallunaatut atuakkat Kalaallit Nunaat pillugu

Atuakkiortut ilaat, qallunaatut atuakkiallit, Kalaallit Nunaanni inunngornikuupput imaluunniit sivisuumik najugaqartuusimallutik. Uani ilisaritinneri atuarsinnaavatit, allerpaamilu takusinnaavatit atuakkat qinigassat, atuagaateqarfimmut atorniarneqarsinnaasut, imaluunniit eReolen.dk aqqutigalugu atuarneqarsinnaasut/tusarnaarneqarsinnaasut.

Atuakkiortut arlallit Kalaallit Nunaanni inunnik naapitaminnik, pinngortitarsuarmillu kusanarluinnartumik atuakkiornissaminnut isumassarsiorfeqarput. Sila pinngortitarlu, aasami ukiumilu, kikkunnut tamanut piffissami sivisuumi Kalaallit Nunaanniittunut misigisaqartitsisuupput.

Atuakkiortut ilaat tassaavoq Jørn Riel, taassuma piviusuusaartitanik quiatsannarsinnaasunik allarpassuarnillu Kalaallit Nunaanni najugaqarnermini inuunini pillugu atuakkiarpaaloqarpoq.

Atuakkiortut inuusunnerumaat Kalaallit Nunaat qitiutillugu atuakkiorsimasut ukuupput:  Iben Mondrup, Kim Leine, Morten Dûrr, Nina von Staffeldt, Mads Peder Nordbo

Atuakkiortut aqqi toorlugit forfatterweb.dk-kkut imaluunniit atuakkiortut nittartagaasigut atuakkioriaasiisa allaatigineqarnerat atuarsinnaavat. Forfatterweb.dk-mut appakaassinnaavutit inuup normut atorlugu aammalu atuagaateqarfimmut atuisutut pinkodet atorlugu, atuagaateqarfik toqqassavat: Grønland.

Litteratursiden.gl-imi atuakkat Kalaallit Nunaanni pisimasuutitat allattorsimasuutigineqarput (liste over bøger som foregår i Grønland)