Ullorsiutit

07.06.19
21. juuni 2019 allallutit, titartaallutit assiliillutilluunniit ullormi pisut oqaluttuarikkit. Ullorsiutit kingusinnerpaamik 31. juli 2019 tigoreersimassavagut.

Ullorsiutit

Ukioq manna 2019 Namminersornerulernitsinniit ukiut 40-t anguagut
Namminersulernitsinniillu ukiut 10-t angullugit.

Nunatta Atuagaateqarfia Inuiattut Ullorsiornitsinnut 21. juuni 2019 atatillugu ullormi pisut pillugit tamanut ullorsiutiliortitsiniarpoq.

Sinerissami inuit piumaffigerusuppagut ullormi tassani susoqarsimanera, nammineq misigisat aallaavigalugit allaaserissagaat, assiliissagaat titartarluguluunniit.

Allaaserinninnermi sumiorpaluutit atorneqarsinnaapput. Allaaserisaq
kalaallisut allanneqassaaq.

Allaaserisat, assit titartakkallu immikkut toqqakkat kingusinnerusukkut
atuaganngortinneqarnissaat pilersaarutigaarput. Ullorsiutit nassiunneqartut  uterteqqinnagit tamaasa Nunatta Allagaateqarfianut tunniunneqartussaapput toqqortaatigineqalerlutik.

Qarasaasiaq atorlugu allaaserinninneq
Allaaserisaq quppernerit pingasuussapput, quppernermi ataatsimi 2000 enheder, titarnerit akuttussusaat 1,5. Allannermi naqinnerit Verdana 12 pkt. atorneqassapput.
Assit titartakkalluunniit qalipaatilerlugit imaluunniit qalipaateqartinnagit
nassiunneqarsinnaapput. Qarasaasiaq atorlugu assit titartakkalluunniit
nassiunniaraanni minnerpaamik 320 dpi-mik angissuseqassaaq.
E-mail atorlugu uunga nassiussisoqarsinnaavoq: nalib@katak.gl 

Nassiussineq
Assammik allassagaanni atuarneqarsinnaasumik allanneqassaaq. Assammik allataq quppernerit pingasuussapput.
Assammik allatat, assit imaluunniit titartakkat nassiunniaraanni sumiiffigisami allakkerivimmi allakkap puussaa piareeqqavoq.

Allakkatigut e-mailikkulluunniit nassiussileruit eqqaamallugu atit, najukkat ukiutillu allassagakkit.

Naliliisartut
Naliliisartoqassaaq allaaserisat assit titartakkalluunniit juulip 31-iata kingorna sorliit atuakkiassamut ilanngunneqassanersut nalilersorneqassapput.

Nassiunneqartunit immikkut toqqakkat atuakkiassamut ilanngunneqartussat atuakkamik akissarsitinneqarumaarput.

Allaaserisat kingusinnerpaamik 31. juli 2019 tigoreersimassavagut.

Peqataalluarisi!