KAPOW!
SAGA
Aappariit inuusuttut nunarsuarnit marluunneersut avataarsuani sorsunnermi akilersilluni inuartartunit avataarsuani malersorneqarput. Kissaatituaraat eqqissisimaarfigisinnaasaminnik nassaarsinnaanissartik, taamaalillutik meerartik eqqissillutik inooqatigisinnaaniassagamikku.
WONDER WOMAN: EARTH ONE
Diana amazonimersoq eqqissineqarnissaanik, naapertuilluarnermik naligiissitaanermillu sorsuutiginnittup qanoq ililluni Wonder Womaninngorsimanera pillugu oqaluttuaq. Ukiuni untritilikkaani amazonermiut Paradise Islandimi avinngarusimallutik, inunnut avataaneersunut akuliuteqqusaanngilluinnarlutik inuupput. Tamannaavorli Dianap sinnattoriuaannarsimasaa. Taamaalluni ullut ilaanni periarfissarseriarami qimaavoq, naak kingunissai sakkortugaluartut.
THE SANDMAN
Sinnattut Naalagaata ukiut 70-it inuit nunarsuaanni parnaarussivimmeereerluni aniguigami nukissaneqqinniaruni sinnattunut sakkuni nassaareqqaartariaqarpai. Sakkummi allarluinnarmit tiguneqaraluarpata ajorluinnartumik kinguneqarsinnaavoq. Tassalu oqaluttuani alutornartorsuarni oqaluttuap aallaqqaataa.
HAWKEYE
Clint Barton, aamma Hakeyemik nalunnginneqartup, The Avengersiniit sulinngiffeqarnermini inuunini uiverfiusoq sapiitsuliortuuallaanngitsumillu inuunini aaqqinniarsarilerpaa.
BITCH PLANET
Science-fiction nunarsuup aseroreernerata kingorna pisumi inuiaqatigiinni angutit kisimik naalakkersuisuuneranni arnat malittarisassanik sakkortuuni malinninngitsut tamarmik nunarsuarmut parnaarussivimmut nassiunneqartarput. Systemimili naalagaaniartut taama ajornannginaaritigissanngillat.
WE3
Labradori, qitsuk kaninarlu tammartajaarnermikkut inumminnit qimagupput sakkutooqarfimmilu laboratoriamut pillutik, tassani aquttakkatut toqoraatissatut pilersinneqarput, qaleruarsualersorneqarlutik tunngaviusumillu oqalussinnaalersinneqarlutik. Qimaagaluarpatalu sakkutuut piumaffigineqarput aserorterneqassasut.
Suli pissanganartunik saqqummertussaqarpoq, taamaammat katak.gl’imi allagarsiussat imaluunniit Nunatta Atuagaateqarfiata Facebookimi quppernerani allagarsiussat malinnaaffigigigit. Tegneserienik atuagaateqarfiup pigilertariaqagaanik siunnersuutissaqaruit nalib@katak.gl’imut allassinnaavutit.