Cecil Bødker 1927 - 2020

Cecil Bødker-ip 1967-imi siullermeersumik meeqqanut atuakkiani ”Silas” saqqummersippaa. Atuagaq nangeqattaartuliarineqarpoq maannalu aamma filminngortinneqarnikuulluni.

Atuakkat ilaat kalaallisut nutserneqarnikuuvoq qulequtaqarlunilu: ”Silas hestilu qernertoq”. Taanna 1994-imi saqqummerpoq Nunattalu Atuagaateqarfiani atorneqarsinnaalluni.

Meeqqanut atuakkiaasa arlaliusut ilagaat Hungerbarnet, 2002-mi filminngortinneqartoq ateqarluni ”Ulvepigen Tinke”

Meeqqanut atuakkiornerup saniatigut Cecil Bødker aamma taalliortarpoq, naatsukullaliortarluni, raatiukkullu marlunnik naalaagassanik immiussinikuulluni.

Cecil Bødker arlaleriarluni nersornaaserneqarnikuuvoq, ilaatigut 1994-imi De Gyldne Laurbær aamma 1998-imi Det Danske Akademis Store Pris nersornaatisiarisimallugit.”