Dansk Dansk Greenlandic Greenlandic

 

Atuagaateqarfimmiittuutisiaqartitsisarneq

Atuagaateqarfimmiittuutisiaqartitsisarneq 1993-imiilli atuutilerpoq. Inatsisartut aalajangernerisa kingorna atuutsinneqalerpoq. Tamatuma kingorna aningaasanut inatsimmiilerpoq. Atuagaateqarfimmiittuutisiaqartitsisarneq IKIIN suleqatigalugu  suliarineqartarpoq. Agguaassinerup siunertaraa kalaallisut atuakkiortut tapersersorneqarnissaat.


Kikkut qinnuteqarsinnaappat?

Qinnuteqarsinnaasut tassaapput:

  • Kalaallisut atuakkanut atuakkiortut nutserisullu. Atuakkat naalaagassanngorsimappata aamma pissarsissutigineqarsinnaapput.

 

  • Titartaasut assiliisullu, atuakkalli quppernerisa assiliartaliunneqarsimasut 40% sinnertariaqarpaa.

 

  • Atuakkiortoq toqukkut qimaguppat uillarnera nuleerneraluunniit imaluunniit sivikinnerpaamik ukioq ataaseq inooqatigiinneq katissimanermut sanilliunneqarsinnaasoq qinnuteqarsinnaavoq.
     


Aalajangersakkat allat
Akissarsissutigineqassapput atuakkat Nunatta Atuagaateqarfiani januaarip aallaqqaataani ukiumi qinnuteqarfiusumi nalunaarsorneqarsimasutut allaqasut.

Atuakkiaq atuagaateqarfimmiitinneqarluni akissarsissutaassaguni minnerpaamik 32-nik qupperneqassaaq. Atuagaq akissarsissutaasinnaanngilaq pingasunit qaangerlugit atuakkiortoqarpat. Marlunnik pingasunilluunniit atuakkiarineqarsimappat, taava akissarsissutissaq agguarlugu tunniunneqassaaq. Nutserisoq atuakkiortup akissarsiassaata affaanik pissarsisinnaavoq. Arlalinnik nutserisoqarsimappat atuakkiortutuulli agguarlugu akissarsissutigineqassaaq. Aaqqissuisut akissarsitinneqarsinnaanngillat.



Qinnuteqarfissap killinga

Qinnuteqaat nassiunneqartoq kingusinnerpaamik Nunatta Atuagaateqarfiani juunip aallaqqaataani tigoreersimneqassaaq. Qinnuteqaatit aqqutit pissutaallutik kingusinaarluni apuuppat atuagaateqarfimmiittuteqarnersissutigineqarsinnaanngilaq. Ukiut tamaasa qinnuteqartoqartassaaq ukiulluunniit siuliani qinnuteqareersimagaluaraanni. Tassa imaappoq: akissarsitinneqarniaraanni qinnuteqartoqassaaq, siornatigullu qinnuteqarsimagaanni qinnutigineqaqqittut nalunaarutigineqartassapput.

Kalaallit Atuakkiortut qinnuteqarfissamik nassinneqartarput, taakkulu namminneq ilaasortaminnut qinnuteqarfissaq agguaattarpaat. Kalaallit Atuakkiortunut ilaasortaanngitsut Nunatta Atuagaateqarfianut imaluunniit illoqarfigisami atuagaateqarfimmut qinnuteqarfissamik piniarsinnaapput.

1. juni qinnuteqaatit Nunatta Atuagaateqarfiani tiguneqarsimanera pillugu  allagarsisimanngikkuit saaffiginnissaatit.

Qinnuteqaatit misissuataarneqareerpata, qinnuteqartoq allakkatigut qanoq amerlatigisut akissarsissutigissanerai nalunaarfigineqartarpoq. Naatsorsuutinut isumaqataanngikkaanni allakkap tiguneraniit sapaatip-akunneri sisamat qaangiutsinnagit naammagittaalliortoqarsinnaavoq uunga: IKIIN Postboks 1029, 3900 Nuuk.

Naammagittaalliortoqartillugu IKIIN nalilersuisarpoq, aatsaallu tamatuma kingorna akissarsissutaasussat naatsorsorneqartarlutik. Akissarsiassat qinnuteqartup bankiatigut tunniunneqartarput. Akissarsiassat kingusinnerpaamik novembarimi tunniunneqartarput.

 


Immersugassaq pillugu apeqqutissaqaruit nalornissuteqaruilluunniit Henriette Christensen attavigisinnaavat e-mail: inna@katak.gl imaluunniit oqarasuaat 34 89 42.



Qinnuteqqaat nuisinniarlugu una tooruk

Ilitsersuut ugguuna takuuk

© 2016 Nunatta Atuagaateqarfia, Grønlands Landsbibliotek, Central Library of Greenland | Imaneq 26, Postbox 1011, 3900 Nuuk | Tlf.: 32 11 56 | Fax 32 10 11 | e-mail: nalib@katak.gl