Greenlandic Greenlandic Dansk Dansk
Atuisunut piumasaqaatit
Atuisunut piumasaqaatit

Akuersaarpara allatakka/data saqqummiussakka Danmarkimi atuakkanik atorniartarfinni ataasiakkaani nunalu tamakkerlugu atuagaateqarfinni  atuakkanillu atorniartarfiit suleqatigisartagaasa killeqanngitsumik atortarsinnaagaat. Atuakkanik atorniartarfiit allatakka/data allanngortissanngilaat, kisianni inatsisinik atuuttunik unioqqutitsinertaqarpata peersinnaagaat akuerisinnaavara. Ataani ilitsersuuteqartoq ilisimavara tassaniittullu piumasaqaatit akuersaarpakka.

Nutarterneqarpoq kingullermik maajip aallaqqaataani 2009

Atuisunut piumasaqaatinut ilitsersuut

Atuakkanik atorniartarfiit atuagaateqarfinni ataasiakkaani nunalu tamakkerlugu allakkiat/data pillugit suleqatigiissuteqarput nittartakkani assigiinngitsuni toqqorsinissaq atoqqiinissarlu pillugit. Taamaattumik atuakkialerilluni atuagaq atuarsimasaq pillugu allaaserisaq atuagaateqarfinni suleqatigisani allani nittartakkat aqqutigalugit aamma takuneqarsinnaassaaq.

Atuakkialerilluni allaaserisat piviusorsiortuussapput kinaassusersiortuunatik, taamaattumik eqqunngitsumik pasilliinerit ajuallatsitinerillu ilanngunneqartassanngillat. Atuagaateqarfiit akisussaaffigissavaat tamanut saqqummiussat inatsisinik unioqqutitsinertaqassanngitsut, tamannalu pillugu allakkianik eqqortuusorinngisaminnik piginnaatitaapput apeqqusiinngiivillutik peersinissamik.  

Atuisunut piumasaqaatit akuerinerisigut allatatit/data atuagaateqarfinnit suleqatigisanit allanit aamma atorneqarsinnaalerput tamanut nittartakkatigut saqqummiunneqarlutik. (Atuagaateqarfiit nittartakkatigut suleqatigineqartut piffissap ingerlanerani allanngorartarsinnaapput, soorlu ilaanni atuagaarniarfiit nittartagaanniilersinnaapput atuagaateqarfiit atuakkialerinermik allaaserisanik paarlaasseqatigisartagaattut). Atuisutut piumasaqaatinut akuersinerpit malitsigissavaa killeqanngitsunik atuagaateqarfinnit allatavit/data atorneqarsinnaalernerat. Atuakkialerillutit allaaserisatit tamakkerlugit imaluunniit tigulaarinniffigalugit atorneqartarsinnaapput. Illit atuakkialerillutit allaaserisatit piginnittussaaffigalugit pigissavatit, taamaattumik tuniniagassanngortinneqassanngillat allatulluunniit iluanaarniutinngortinneqassanngillat. Allakkiat/data kisianni allani nittartakkani paarlaaqatigiissutigineqarsinnaavoq piumasaqaatinut periuserineqartoq nikisinnagu.

Atuakkialerilluni allaaserisat, nalilersuinerit aamma oqaatsit ujarliutit atorneqarsimasut illit ativit nalaanut toqqortarineqassapput. Atuakkialerillutit allaaserisaqaruit allaaserinnittutut atit saqqumissaaq allanik atuisunik takuneqarsinnaalluni, allaaserisatit nittartakkat aqqutigalugit saqqummernerini. Atuakkialerillutit allaaserisatit, nalilersuutitit oqaatsinullu ujarliutit peqqissimilerlutit peerusulerukkit peersinnaavatit. Aviisinut ilanngussassanik nittartakkamut allassimaguit  peerusulerlugillu aamma nammineq piiginnarsinnaavatit.

Atuisunut piumasaqaatit Styrelsen for Bibliotek og Medier-imit maleruagassaliarineqarsimapput.

Kingullermik nutarterneqarput maajip aallaqqaataani 2009

Cookies pillugit paasissutissat

Cookies tekstfiliupput mikisunnguit, internetbrowserivit ”eqqaamasai” nittartakkat isersimaffigisimasatit aallaavigalugit ilinnut tunngasunik paasissutissanik toqquisartoq. Cookies ilaat nittartakkap isersimaffiginerinnaani atorneqarsinnaasarput, soorlu isersimanerit eqqaamaniarlugu imaluunniit eqqaamarusutat eqqaamasassat allattorsimaffiinut pisiassalluunnniit ilioraaviinut toqqorniarlugit. Cookies ilaat nittartakkat iserfigeqqinnissaanut paasissutissat allattoreersimasatit toqqorneqarsinnaapput, soorlu illit nammineq iluarsartuussatit (indstillinger) imaluunniit atuisutut ilisarnaatit. Nittartakkat ussassaarutitallit cookies´it atuisut sunik soqutigisaqarnerannut tunngasunik nalunaarsuisarput, taamaalillutik atuisuminnut tulluuttunik soqutigisaannullu naleqquttunik ussassaarisarumallutik.

Inatsisitigut piumasaqaataavoq nittartakkat atuisutik cookies pillugit ilisimatittassagaat, taamaalillutik atuisut nittartagaq iserfigeqqissanerlugu aalajangersinnaaniassammata, imaluunniit cookies´it atussannginnerlugit siunissami ussassaarutinik nassitsittarnissaq unitsinniarlugu. Nittartakkalli cookies´it nittartakkap atuutsinneratigut tunngasut paasissutissiissutigisariaqanngilaat.

Nittartakkat makku siunertaralugit cookies atortarpaat:

Nalinginnaasumik

  • Eqqaamaniarlugu oqaatsit sorliit toqqartarneritit
  • Isertaatit eqqaamaniarlugu
  • Isertaasinngikkaluarlutit atuakkat atiinik eqqaamasassat allattorsimaffianut toqqorsimasatit.

Kisitsisit atorlugit nassuiaatit

  • Nuna tamakkerlugu kisitsit atorlugit nassuiaatit atuagaateqarfiit nittartagaannut isertartut naatsorsornerisa Danmarks Biblioteksindeks´imut tamanit atorneqarsinnaasunngortinnissaat. Cookies taamaattut toqqorneqarlutillu atuarneqartarput Visionize aqqutigalugu.
  • Google Analytics ikiortigalugu atuagaateqarfiup iluani atugassanik nittartakkap atorneqarnerata paasissutissartaanik katersineq. Cookies taamaattut Google´mik toqqorneqarlutillu atuarneqartarput. Cookie-information pillugu Google´mi atuarit.

Inunnut attaveqaatit

  • Atuuffik ´Synes godt om´: Facobook´ip iseraangavit eqqaamaniarlutit cookies atortarpai ´Synes godt om`ilu tooraangakku nalunaarsorniarlutit, taamaalilluni Facebook´erni takuneqarsinnaalerluni. Facebook´imi cookies pillugit atuarit.
  • Atuuffik `AddThis´: AddThis, tassaavoq inoqatinut attaveqaatini assigiinngitsuni nittartakkap imaasa agguaassinnaasatit, cookies tassani atorneqartarput iseraangavit eqqaamaniarlutit, taavalu sunaluunniit atuisunit qasseriarluni agguaanneqarsimasoq. AddThis cookies pillugit atuarit.
  • AddThis´imi kiffartuussinerit: Facebookimi, Twitterimi allanilu AddThis-menumi nittartakkamiit agguuaassiniarlutit, taava kiffartuussineq login´erutissamik igalaasannguamik nuisoqassaaq. Qupperneq taanna atuagaateqarfiup nittartagaanut attuumassuteqanngilaq aamma naatsorsuutigissavat cookies assinga kiffartuussinerluunniit pineqartoq atoraluarukku atorneqassaaq.

Cookies peerlugillu mattutikkit

Internetbrowsererni cookies´it piiarlugillu mattussinnaavatit. Immikkoortut Cookies´ini, Imaanut, Browserdata, Privatliv´imut assigisaannulluunniit tunngasut maluginiakkit.  Browsererni ikiorneqarnissamik atuuffik atorlugu paasisaqarnerusinnaavutit.

‘Opt out’ toortagaq ikiortigalugu cookies side´anniit cookies AddThis atorunnaarsinneqarsinnaavoq.

Google Analytics´imiit Cookies ‘Opt Out –værktøj ikiortigalugu Cookies atorunnaarsinneqarsinnaapput.

Nittartagaq tamakkiisumik ingerlasinnaanngilaq Cookies mattukkukkit. Ujaasisinnaavutit, inniminniisinnaavutit, atukkatit nutarsarsinnaavatit inniminnikkatit akiligassatillu takusinnaavatit, kisianni quppernernut allanut pigaangavit isertaatit atoqattaartariaqartassavat.

 

© 2016 Nunatta Atuagaateqarfia, Grønlands Landsbibliotek, Central Library of Greenland | Imaneq 26, Postbox 1011, 3900 Nuuk | Tlf.: 32 11 56 | Fax 32 10 11 | e-mail: nalib@katak.gl