Pisussat Pisussat
Greenlandic Greenlandic Dansk Dansk
Pisussat – inersimasunut
Immikkoortitikkit una malillugu Ulloq aallartiffik
Ilisimasanik avitseqatigiinneq

Piniartorsuaq Lars Jeremiassen

Sikunik uuttortaasartut DMI-meersut (Danmarks Meteorologiske Institut)
piniartut peqatigalugit avanersuarmi uuttortaanermi periuserisartagaat
atortorissaarutaallu pillugit saqqummiineq.
Pingasunngorneq maajip 31-anni nal. 19.30 Groenlandicami Ilimmarfimmi
Iserneq akeqanngilaq najoqqagassaqarlunilu kageqassaaq.
Aggialluarisi.
Aaqqissuussaq una nunani assigiinngitsuni atuagaateqarfiit suleqatigiissutaannut
”Arctic Imagination” 2017-imi New Yorkimi, Stockholmimi, Oslomi, Københavnimi
aamma Nuummi ingerlanneqartunut ilaavoq.
Suleqatigiissut uani atuarneqarsinnaavoq www.arcticimagination.com


 

Meeraaqqat aalaasaat

Meeraaqqat 3-9-nut qaammatillit angajoqqaavilu meeraaqqat aalaasaannut aaqqissuussamut peqataajartorsinnaapput.

Nal. 9.30 takkutereersinnaavusi. Kasuttorussi ammaasinnaavatsigit.

  • Arfininngorneq maajip 27-anni
  • Nal. 10.00
  • Meeqqanut atuagaateqarfimmi

 

Atuagaatilerisumut ikiortimik sulisussarsiorpugut

Nunatta Atuagaateqarfia atuagaatilerisumut ikiortimik sulisussarsiorpoq juunip aallaqqaataani isumaqatigiissuteqarnikkulluunniit sulilersussamik.

Sullisserusussuseqartumik qiimasumillu sulisussarsiorpugut, namminersorluni sulisinnaasumik aammali suleqatiginnissuseqartumik ujaasivugut. Atuagaatilerisumut ikiortitut teamit ingerlatsinerup tungaatigut ikiortassavatit kiisalu saaffiginnittarfimmi atuisunut sullissisuussaatit.

Pingaarnertut suliassarissavatit:

  • Saaffiginnittarfimmi vagteqartarneq atuisunillu kiffartuussineq
  • Atuakkanik ilioraallutillu torersaasassaatit
  • Aviisinik atuagassianillu qarasaasiamut nalunaarsuineq
  • Nunatta Atuagaateqarfiani teaminit suliassat takkussortut suliarisassallugit

Piginnaasatit:

  • Sullisserusuttoq aalajaatsorlu
  • Ilinniarnertuunngorniarfimmi assigisaanilluunniit ilinniagaqarsimassaatit

Bibiliotekssystem atorlugu sulisartussaagavit qarasaasiarsornikkut sulisinnaassaatit. Taassuma saniatigut marluinnik oqaaseqarnissat pisariaqartipparput, iluaqutaassaarlu tuluttoorsinnaaguit.

Sapaatip-akunneranut 40 tiimit sulisassaatit, taakkununnga ilaatillugu matusisarnissaq kiisalu sapaatip-akunnerata naanerani sulisarnissaq. Aaqqissuussaqartillugu suliffiup nalinginnaasup avataatigut sulisarnissaq naatsorsuutigineqassaaq.

Atorfimmut atatillugu inissaqartitsisoqanngilaq.

Naalakkersuisut SIK-llu akornanni sulisunut ilinniarsimasunut ilinniarsimanngitsunullu isumaqatigiissutaat malillugit atorfinitsitsineq akissarsiallu inissinneqassapput.

Qinnuteqaat maajip 24-at 2017 nallertinnagu. Atorfinitsitsinissamut oqaloqatiginninnerit sapaatip-akunnerani 22-mi ingerlanneqarnissaat naatsorsuutigineqarpoq.Atorfimmut paasissutissat amerlanerusut Siunnersorti Peter Pham attavigineratigutpissiariarineqarsinnaapput tlt.: 34 89 45 imaluunniit peter@katak.gl.


 

Assit Facebookitsinni

Nunatta Atuagaateqarfiata aaqqissuussaani peqataaguit assinillu facebookimut ikkusserusullutit sumiiffiit ilanngukkusukkukku Nunatta Atuagaateqarfia toqqaruk – tuluttuujunngitsoq.

Taamaalilluni Nunatta Atuagaateqarfiata facebookiani takuneqarsinnaanngussapput.


 

© 2016 Nunatta Atuagaateqarfia, Grønlands Landsbibliotek, Central Library of Greenland | Imaneq 26, Postbox 1011, 3900 Nuuk | Tlf.: 32 11 56 | Fax 32 10 11 | e-mail: nalib@katak.gl