Filmstriben - Kalaallit Nunaanni atorneqarsinnaalerpoq
Qallunaat nunallu allamiut filmiliaanik aliikkutassiaasunik, filminik pisimasuinnik tunngaveqartunik aamma meeqqanut filmilianik Filmstriben imaqarpoq.
Piumalleruit qaqugukkulluunniit filmit Filmstriben aqqutigalugu isiginnaarsinnaavatit. Qarasaasiaq (pc mac-ilu), tablet, oqarasuaat angallattagaq tv-luunniit aqqutigalugit Filmstribenikkut filminik isiginnaarsinnaavutit. Filmi akunnerit 48-t atorneqarsinnaavoq. Tassani filmi unitsinneqarsinnaavoq, siuartinneqarsinnaalluni kinguartinneqarsinnaallunilu aamma arlaleriarlugu filmi takuneqaqqissinnaavoq.
Børnebiffen aamma iserfigisinnaavat, filmit 400-t missaaniittut meeqqanut pingasuniit arfineq-marluk tungaanut ukiulinnut naleqquttut: https://bornebiffen.dk/
Filmit Filmstribenimiittut isiginnaarsinnaanissaannut atugassaraatit ukua.
• Internetimut attavik
• Atuisup normua (CPR-normu) aamma Nunatta Atuagaateqarfianinngaanniit pinkode.
Nunatta Atuagaateqarfia atuagaateqarfittut toqqassavat taamaasioreeruillu Filmstribenimut iserlutit.
Pitsaanerpaamik Filmstriben aqqutigalugu filminik isiginnaarsinnaanissaq anguniarlugu internetikkut attaveqaat båndbredde minnerpaaq 10.000 kb/s atussavat, innersuussutigissavarpulli assip pitsaassusissaa eqqarsaatigalugu båndbredde angineq atussagit.
Filmit Filmstribenimiittut Kalaallit Nunaanni isiginnaarneqarsinnaalernissaat akuersissutigineqarnikuuvoq.
Qaammatip ataatsip iluani filmit tallimat Filmstriben aqqutigalugu isiginnaarsinnaavatit.
Attavissaq Team Service: service@katak.gl
Atuisunngorniarnermut nalunaarfissaq ataaniittoq anillatsiguk immersoriarlugu scaneruk nalib@katak.gl -imullu nassiullugu, taava Filmstriben.dk-mut atuisunngortissavatsigit: