Filmstriben

Atuagaateqarfik filmilianik Filmstribenimeersunik internet aqqutigalugu ilinnut neqerooruteqarpoq

Filmstribenimut iserfissaq

Filmstriben filminik aliikkutassianik, piviusulersaarutinik meeqqanoortunillu filminik imaqarpoq.   

Filmimik isiginnaarusuleruit isiginnaariaannaavutit. Qarasaasiami, tabletimi, mobilinni TV-kkulluunniit – Chromecastikkut imaluunniit Airplayikkut. Filmi 48 tiimit atussavat aamma filmi unitsissinnaallugu, siuartillugulu utertissinnaavat arlaleriarluguluunniit filmi takusinnaallugu. Filmit isiginnaarusuttunit isiginnaarneqarsinnaapput Kalaallit Nunaannilu isiginnaarneqarsinnaasutut akuerineqarsimallutik. 

Filmstribeni kikkunnit tamanit atuagaateqarfimmi atuisunngorsimasunit iserfigineqarsinnaavoq. 

Filmstribenimut imatut isersinnaavutit

Icon Description

 

  1. Qulaani talerperlermiittoq ”Log ind” toorlugu imaluunniit filmimi isiginnaarusutanniittoq ”Se nu” toorlugu Filmstriben iserfigisinnaavat.  
  2. ”Kalaallit Nunaat” sumiiffigisanni atuagaateqarfittut toqqaruk, inuup normut atorniarnermulluunniit normut pinkodillu tassunga attuumassutilik toortakkit. Log ind tooruk. 

Qaammatit tamaasa filminik isiginnaarnissannut atorsinnaasannik 20 pointiuteqartassaatit. 

Filmstribenimi filminik isiginnaarnissannut pointinik 1-p 4-llu akornanni atuinissaq piumasaqaataavoq: 

  • Filmiliaq aamma filmit piviusulersaarutit ilaat - 4 point
  • Filmi piviusulersaarut minutsit 30-t sinnerlugit sivisussusilik - 3 point
  • Filmi minutsit 30-t sinnerlugit sivisussusilik - 2 point
  • Filmi minutsit 15-it angullugit sivisussusilik  - 1 point

Filmit ataasiakkaat pointilersorneqarneri allaanerupput, annerpaamilli 4-nik pointeqartarlutik. Qaammatit tamaasa nutaanik pointinnattassaatit, taamaalillutit qaammatit aallartinneri tamaasa 20 pointinnattassallutit.