Kiffartuussineq

Greenlandic
Nunatta Atuagaateqarfia atuisunut assigiinngitsunik neqerooruteqapoq: qarasaasiarsinnaaneq, wi-fi aamma scannerineq/kopeerineq

Kopi

Inersimasunut atuagaateqarfimmi qalipaateqanngitsumik qalipaatilimmilluunniit, pappilissat angisussaat A4 aamma A3 atorlugit kopeerisoqarsinnaavoq. Akit nivinngakkani takuneqarsinnaapput saaffiginnittarfimmilu akiliisoqartarpoq.

E-mailimut scannerineq

Inersimasunut atuagaateqarfimmi kopeerivimmiit scannerisoqarsinnaavoq e-mailimullu nassiullugu. Akeqanngilaq.

Qarasaasiaq allaffissiaq

Inersimasunut atuagaateqarfimmittaaq qarasaasiaqarpoq allaffigineqasinnaasumik regnearkitalik. USB-mut toqqorsisoqarsinnaavoq aniatitsillunilu. Qarasaasiami tassani interneteqanngilaq.

Wi-fi

Atuagaateqarfiup ammanerani matoreerneranilu akeqanngitsumik wi-fi-qarpoq ulloq unnuarlu. Attaveqaat ateqarpoq: Katak Internet

Attaveqaateqalersinnaaneq (Kabel)

Inersimasunut atuagaateqarfimmi nammineq qarasaasiamut igalaap eqqaani ikkunneqarsinnaasumik kabelimik attaviliissutaasinnaasumik atortoqarsinnaavoq.

Inersimasunut atuagaateqarfimmi kabeli apeqqutigiuk.