Nittartagaq nutaaq suliarivarput
Taamaattumik tukalaarpoq. Naammagittarfigitigut.
Nittartagartaatta saqqummiunnissaanut qilanaaqaagut. Neriuppugut nuannariumaarit. Atuuffii amerlasuut siornatigutut iinnarput. Kisianni nutaanik marlussunnik aamma ilanngussinikuuvugut.
Nittartakkap ilaa suli aaqqissuuppoq. Taamaattumik nassaarisinnaanngikkallakkanik suli peqassaaq. Suliassartaa suliarivarput.
Aajuku allaanerussutaalaartut
Atorniarnermut inniminniinermullu tunngasut
Iserfigigukku atorsimasatit tamaasa takusinnaalissavatit – atuakkat imaluunniit qarasaasiarmiut. Inniminniisimanermut tunngasut aamma ilaapput. Inniminniinerit uani immikkoortinneqarput, atuakkap aariaannanngorsimaneranut, atuakkamik inniminniinermut qarasaasiarmiunillu inniminniisimanermut. Ataatsimut tamaasa takuneqarsinnaanerannik pitsaanerulersitsissaaq.
Eqqaamasassat allattorsimaffiat
Nittartagatoqqamit eqqaamasassat allattorsimaffiat ilaatinneqarpoq. Qulaani talerpiata tungaani uummataasaaraq ammasarfiit eqqaanniittoq toorlugu nuisissinnaavat. Eqqaamasassat allattorsimaffianni taaguutit takusinnaanngorniarukkit iserfissamut isersimasariaqarputit.
Eqqaamasassat allattorsimaffianut ilanngussiniaruit uummataasaaraq atuakkap aqqanut attuumassuteqartoq tuussavat. Uummataasaaraq qalipaateqaleruni atuakkap eqqaamasassat allattorsimaffianut ilanngussimassaaq.
Piffissami atorusutap allanngortinneri
Piffissami aalajangersimasumi atorusutatit ataasiakkaarlugit inniminnernikuusaraluatit allanngortissinnaavatit, soorlu atuagaq piffissaq aalajangersimasoq takkuppat atorniarunnaarlugu allassinnaallutit. Iserfissamut iserlutit atorusutat piffissamut aalajangersimasumut allanngortissinnaavatit.
- Qulaani talerperlermi atit tooruk
- Inniminniineq toqqaruk
- Piffissami aalajangersimasumi atorusutavit aqqa toorlugu aaqqiisinnaavutit
- Atorusunngisat iluanni Taarseruk tuussavat
- Piffissarititat assigiinngitsut sisamat toqqarsinnaavatit
- TOQQORUK tooruk
Aallerfissap allanngortinnera
Inniminnikkat ataasiakkaarlugit sumut aaneqassanersut allanngortissinnaavatit, nalinginnaasumik aallerfissamit atuagaateqarfimmut allamut aasussanngortillugit. Iserfissaq iserfigigukku aallerfissat allanngortissinnaavat.
- Atit qullermi talerperlermiittoq tooruk
- Inniminniineq toqqaruk
- Aallerfissat allanngortinniarukku atia toorlugu aaqqiisinnaavutit.
- Aallerfissamiittoq Taarseruk tuussavat.
- Atuagaq sumut aarusunnerlugu toqqaagit.
- TOQQORUK tooruk.
Malugiuk: Inniminnikkap aariaannanngoriikkap aallerfissaanik allanngortitsisinnaanngilatit. Inniminneriikkap allamut immikkoortortamut nassiutsinnissaa kissaatigigukku attaveqarfigitigut.
Inniminnikkat utaqqisikkallarneri
Atuagaateqarfitsinni atuakkanik atugaqanngikkallarusukkuit piffissamik aalajangersimasumik utaqqisitsigallarsinnaavutit. Inniminnikkatit utaqqisikkallarukkit tulleriissaattuni inissisimaannassaatit. Assersuutigalugu piffissami aalajangersimasumi angerlarsimanngikkuit inniminnikkavillu aanissaannut periarfissaqanngikkuit tamanna periarfissaavoq.
Nittartakkatsinni iserfissamut iserlutit inniminnikkat utaqqisikkallarsinnaavat qulaani talerperlermi atit tooruk
- Inniminnikkat toqqaruk
- Inniminnikkatit utaqqisikkallakkit ataani inissiissut toqqaruk
- Ullorsiutini inniminnikkavit utaqqisikkallarnissaannut piffissaliillutit toqqaagit. Ullut nalunaaqutseqqasut piffissarititaapput.
Malugiuk: Taamaallaat Nunatta Atuagaateqarfiani iniminnikkanik utaqqisitsigallartoqarsinnaavoq. Atuagaateqarfinnit allanit inniminnikkat ajoraluartumik utaqqisinneqarallarsinnaanngillat.