Pisussatut aaqqissuussaq Kammagiitta!

Ilinniartitaanermik Aqutsisoqarfik qinngasaarisarneq pillugu isumassarsiorfiusussamut aaqqissuussaminut qaaqqusivoq. Aqutsisoqarfik naatsumik filmiliortitsisimavoq. Filmimi ilaatigut qinngasaarisarneq pillugu ataatsimut paaseqatigiinnertalimmik saqqummiussisoqarpoq, ilaatigullu Kammagiittap kuffertia qanoq atorneqarsinnaanersoq isiginnaagassiissutigineqarluni.

Filmi naatsoq maajip arfineq aappaanni Nunatta Atuagaateqarfiani takuteqqaarneqassaaq. Tamatumalu kingorna qinngasaarisarneq pillugu apeqquteqartoqarsinnaavoq oqallittoqarumaarlunilu. Saaffigisat tassaapput suliamik ilinniarsimasut, angajoqqaat peqatigiiffiillu aammalu kikkulluunniit qinngasaarisarnermik akiuiniarnermut aaqqissuussanut peqataanissaminnut soqutiginnittut.

Kammagiitta tassaavoq qinngasaarisarnermut akiuiniarnermi suliniut meeqqerivinni atuarfimmilu klassimi mikinerni ilinniarsimasunut sammitinneqartoq. Taanna Dronning Mary Fondimit Red Barnetimillu “Fri for mobberi”-mik taaguuteqartumik ineriartortinneqarpoq.

Kammagiitta kalaallinut naleqqussarlugu suliaavoq, Ilinniartitaanermut Aqutsisoqarfiup perorsaasut ilinniartitsisullu suleqatigalugit Kalaallit Nunaanni suliaralugu pilersitarisaa. 

Aaqqissuussaq akeqanngilaq. Najoqqagassaqarumaarpoq kaageqarumaarlunilu.