Juullimut tunniussassanik sanaqatigiinneq

Nivi Rosing, Ivalu Skifte Nunatta Atuagaateqarfialu suleqatigiillutik novembarimi sisamariarlutik aaqqissuussinissaminnut qaaqqusipput. Igitassaraluanik atoqqiillutit juullimut tunniussassannik sanasinnaassaatit.

Imminut sanaakkiartorit asasannulluunniit tunniussassannik sanajartorlutit.

Novembarip 7-iat nal. 10-13: 

Sanaqatigiinneq 1: Qalipaatit imilertakkat aamma titartaaneq

Pappialat atoqqinneqarsinnaasut atuagatoqqalluunnit pappialartai atorlugit qalipaatinik imilertakkanik kridtimillu qalipaatilianik qalipaassaagut.   

Novembarip 12-iat nal. 16-19: 

Sanaqatigiinneq 2: Nammineq annoraaliorit

Saagukut, qipiup qalikui atisallu atorunnaakkat atorlugit annoraaliortit. Ilisserutinik piareersimatitsissaagut mersorninnilu ikiuussinnaanissatsinnut piareersimassalluta.

Novembarip 14-iat nal. 10-13:

Sanaqatigiinneq 3: Atuakkanut igiinnagassaraluanut naqitsineq

Igitassaraluit atoqqillugit naqitassatsinnik kigartuilluta ilusilersuissaagut atuagaateqarfiullu atuakkat igitassaraluisa pappiarartaannut naqillugit. 

 

Novembarip 19-iat nal. 16-19: 

Sanaqatigiinneq 4: Pisiniarfiliummik nutsanullu qilerummik sanagit

Annoraamerngit atorunnaakkat atorlugit pisiniarfiuliummik nutsanullu qilerummik sanassaagut. Ilisserutinik piareersimatitsissaagut mersorninnilu ikiuussinnaanissatsinnut piareersimassalluta.