Nunatsinni Unnuk Kulturisiorfik

Unnuk Kulturisiortarneq ukiumoortumik pisarpoq, suliffeqarfippassuit kulturimullu attuumassuteqartut suliffeqarfiusut tamanit alakkarneqarsinnaallutik ammatitsisarlutik misigisassanillu immikkut ittunik neqerooruteqartarlutik. Inunnut attuumassuteqanngitsunut matoqqasaraluartut misigisassarsiorfiginissaannik periarfissatsialaavoq. Sammisaqartitsinerit assigiinngitsut kulturimut, oqaluttuarisaanermut pinngortitamullu attuumassuteqartut neqeroorutigineqartarput. 

Nunatta Atuagaateqarfia Nuummiittoq nuna tamakkerlugu Unnuk Kulturisiortitsinissamut ataqatigiissaarisuusarpoq. Taamaattumik nittartagaq kulturnat.gl ingerlatsisuuffigivarput ullormi tassani sammisassaqartitsisussanit suliffeqarfinnit pisussat ikkussuunneqartarlutik. Tamatuma kingorna pisussanut allattorsimaffik innuttaasunit ujartuiffigineqarsinnaalertarpoq. 

Tamatuma saniatigut atuagaateqarfik ukiut tamaasa aliikkusersuinermut, tusarnaartitsinermut tunngasunik sammisassaqartitsisarpoq namminerlu kaffinik kaaginillu tuniniaasarluni.   

Unnuk Kulturisiorfik pillugu apeqqutissaqaruit attaveqatigiinnermut tunngasunik suliaqartorput attavigisinnaavat: lisathe@katak.gl imlt. 348933.