Qallunaatut atuarnialeqqaarneq
Lixtal, lettal aamma atuaruminassutsimik nalileeriaaseq qanoq isumaqarpat? Aamma meeqqama atuarsinnaassusianut qaffasissusia qanoq iliorlunga paasissavara? Apeqqutinnut akissutissat ataani pissarsiarisinnaavatit
Atuakkat atuaruminartut lixtalimik, lettalimik atuaruminassutsimillu nalileeriaatsimik nalunaaqutserneqakkajuttarput. Ilaatigut aamma atuagaq lixtalimik aamma lettalimik nalunaaqutseqqasinnaasarpoq. Taamaattumik nassaarnissaq ajornakusoorsinnaavoq.
Atuakkat oqaasii nipiminnut naleqquttut
Oqaatsini nipiminnut naleqquttuni naqinnerit tamarmik tusaaneqarsinnaapput ("ko", "sko", "fe", "kanin", "sol"). Taamaammat atuakkat oqaatsiminni nipiminnut naleqquttunut tunngasut atuarnialerlaanut pitsaasuupput. Taakku nalinginnaasumik qaffasissutsini 0, 1, 2 aamma 3-ni nassaassaapput.
Lix
Lix tassaavoq atuakkat nalunassusaannik nalileeriaasiusoq.
Lix oqaatsit amerlassusiat, oqaaseqatigiit amerlassusiat oqaatsillu takinerit 7-nik amerlanernik naqinnillit aallaavigalugit naatsorsorneqartarpoq.
Lix atuakkani eqquilluarnerpaasarpoq
Let-tal
Let-tal tassaavoq atuakkat meeqqanut mikinernoortut nalunassusiannik nalileeriaasiusoq. Lettalit ukunannga naatsorsorneqartarpoq:
- Atuakkami oqaatsit amerlassusii
- Oqaatsit takinerit 6-inik amerlanerusunik naqinnillit amerlassusii
- Oqaaseqatigiit takinersaanni oqaatsit amerlassusii
- Oqaaseqatigiilerinermi ilisarnaatit
- Atuakkap qassinik qupperneqarnera
- Tapertatut assiliartat
- Oqaatsinik uteqqiisarnerit
Pingaartumik atuakkanut nalunannginnerpaanut piukkunnartuuvoq. Let-tal 4-mit 21-mut naliliiffiusarpoq
Nunatta Atuagaateqarfiani atuaruminartut
Meeqqanut atuagaateqarfitsinni atuartarfeqarpoq, tassaniipput atuakkat atuaruminartuutivut. Alloriarnernut sisamanut qalipaatinullu sisamanut immikkoortitigaapput:
Alloriarneq 1 = Pingaartumik atuakkat oqaasii nipiminnut naleqquttut - atuarnialerlaanut
Alloriarneq 2 = Pingaartumik lix 0-5-imut
Alloriarneq 3 = Pingaartumik lix 6-10-mut
Alloriarneq 4 = Lix 11-p missaaniit qummut
Atuagaq atuaruminarnersoq, nalunarnersoq naleqqunnersorluunniit paasiniaruk
Inussat atorlugit malittarisassat tallimat atukkit:
- Atuakkamik tigusigit arlaallu quppiinnavillugu qupperlugu
- Meeqqat atuarusussuseqalernissamik avatangiiseqartiguk
- Meeraq oqaatsinik atuarsinnaanngisaqarpat tamatigut nappaagina
- 0-1 inussat = atuaruminarpallaartoq
- 2-3 inussat = naleqquttoq
- 4 inussat = misiliguk
- 5 inussat amerlanerusulluunniit = nalunarpallaartoq
Oqaatsimut naleqquttut, lix aamma let
Bibliotekernes Sprog- og Læsespor najoqqutassiamik sananikuuvoq, tassanilu oqaatsimut naleqquttunut, lixinut aamma letinut tunngasut atuarsinnaavatit. Quppernermi tassani aamma isumassarsiassarpassuarnik nassaarsiorsinnaavutit – angajoqqaanut suliamillu ilinniarsimasunut saaffiginnittuupput:
