Saaffiginnittarfimmi aqutsisoq (taartaagallartussaq)

Nunatta Atuagaateqarfia ernereernerup kingorna sulingiffeqartumut taartaagallartussamik saaffiginnittarfimmi aqutsisussarsiorpoq, novembarip 15-ianni 2026-i imaluunniit isumaqatigiissuteqarnikkut atorfinikkallartussamik.

Saaffiginnittarfiup atuisut attaviginissaat aammalu atuagaateqarfiup illup iluani avataanilu neqeroorutaannik paasissutissiinissaq qulakkeertarpai.

Suliassatit pingaarnertut ukuupput:

• Vagtskemaliorneq
• Atuakkanik tulleriiaarineq inaalissuineq allanillu suliaqartarneq
• Ikiortit aningaasarsiassaannik isumaginninneq ingerlatitseqqiinerlu
• Aaqqissuiniartoqartillugu ikiortit tulleriiaattartussangorlugit pilersaarusiortarneri
• Sulisut atuisullu atugassaannik inniminniinerit pisiniarnerillu
• Saaffiginnittarfimmi vagteqartarneq (qaammammut ataasiarluni arfininngornerni vagteqaqataasarneq).

Naatsorsuutingaarput:

• Allaffimmiutut ilinniagarqarsimasuunissat
• Nammineersinnaassusseqarnissat
• Excelimut misilittagaqarnissat
• Aalajaatsuusutit peqqissaartumillu suliaqartartuunissat
• Kalaallisut, qallunaatut tuluttullu oqalussinnaaguit iluaqutaassaqaaq

Paasissutissat allat:

Atorfik pillugu annerusumik paasisaqarusukkuit Nunatta Atuagaateqarfiata pisortaa Elisa Petersen attaviginissaanut tikilluaqqusaavutit, oqarsuaat +299 34 89 21 e-mail: elisa@katak.gl. 

Piffissaliussaq: 2026-11-07

Uagut pilluta:

Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuulluni. Illoqarfiup qeqqani inissisimanermini innuttaasunit kikkunnilluunniit atorluarneqartarpoq.  

Suliffeqarfik suleqatigiinnut sisamanut agguataarneqarpoq: Suleqatigiit Groenlandica, Suleqatigiit Nunarput, Suleqatigiit Sammisassaqartitsisut aamma Suleqatigiit Kiffartuussisut. Atuagaateqarfiuvugut aaqqissuussinerpassuarnik ingerlatsisartut, Unnuk Kulturisiorfik atuakkiortumillu malunnartitsineq ukiumoortumik ingerlanneqartartut aaqqissuunneqartarlutik. Illoqarfiullu kulturikkut pikialaartitsinerani peqataarusuttarpugut, soorlu Nuummi Suialaa Arts Festivaleqaleraangat.