Nunatta Katersugaasivia Allagaateqarfialu

Database paasissutissanik katersiviusoq atisanik amernik mersukkanik, atuagarsuarnik allattaaviusunik, immikkut katersorsimasanik, kulturikkut tammatsaalisanik nalunaarsuinermik digitalimillu nalunaarsukkanik toqqorsiviuvoq

Nunatta Katersugaasivia itsarnisarsiornermut, piffissami nutaanerusumi oqaluttuarisaanermut, eqqumiitsuliornermut kusanartuliornermullu tunngasunik nuna tamakkerlugu suliaqartarput. Katersugaasivik illunik eqqissisimatitanik qanganitsanillu eqqaamasassanik qitiusutut inissisimalluni nalunaarsuisarpoq aamma eqqissisimatitsisarneq pillugu inatsimmi aalajangersakkat kulturikkut eriagisassanut illunullu eqqissisimatitassanut tunngasut suliarisarpai. 

Nunatta Allagaateqarfiata pingaarnertut suliassarai toqqorsivimmiititat tammatsaalinissai qulakkiissallugit. Katersinerit, aaqqissuussinerit, tammatsaaliinerit, nalunaarsuinerit suliarineqartarput kiisalu toqqorsivimmiititanut tunngasunik ilisimatusarneq ilisimasanillu ingerlatitseqqiineq suliarineqartarlutik  siunertaralugu nunatsinni kulturimut inuiaqatigiinnullu oqaluttuarisaanermi ilisimasat ineriartortillugit siammarterneqarnissaat.