eReolen
eReolen tassaavoq atuagaateqarfiup atuakkanik qarasaasiarmiunik, atuakkanik naalaagassianik podcastinillu neqerooruteqarfia. eReolenip app-iatigut atuagaateqarfiulluunniit nittartagaatigut atuakkat qarasaasiarmiut, atuakkat naalaagassiat podcastilluunniit tusindilikkaat misissukkit.
eReolenikkut atuarit tusarnaarlutillu
eReolenip app-ia atorlugu qaqugukkulluunniit sumiikkaluaruilluunniit atuarlutillu tusarnaarsinnaavutit.
eReolen tassaavoq atuagaateqarfiup nammineq atuakkanik qarasaasiarmiunik, atuakkanik naalaagassianik podcastinillu tusindilikkaanik neqerooruteqarfia.
Oqarasuaatinnit tabletinniilluunniit toqqaannaq atuakkat aakkit atorlugillu.
eReolenip atorniagassaataanik PC-ikkut atuarniaruit tusarnaarniaruilluunniit atuagaateqarfiup nittartagaatigut atorsinnaavutit.
Atuagaateqarfiup atuakkat qarasaasiarmiuutai, naalaagassiai podcastiutaalu
- eReolen atorlugu ulluni 30-ni atuakkanik atorsinnaavutit, tamatumalu kingorna nammineq utertittussanngortinneqareertarput.
- Atuagaateqarfiup nittartagaani iserfissaq toorlugu imaluunniit eReolenip app-iatigut iserlutit atuakkanik ataasiakkaanik qassinik atorsinnaanerlutit takusinnaavat. .
- Apps: iOS-ikkut Androidikkulluunniit eReolenip app-ia aajuk. TAKUUK: ‘Kalaallit Nunaat’ atuagaateqarfittut toqqassavat.
- Internetikkut attaveqaat aamma qarasaasiaq: Internetikkut attaveqaat atorlugu atuarniaruit tusarnaarniaruilluunniit atuagaateqarfiup nittartagaatigut eReolenip atorniagassaatai atorsinnaavatit.
eReolenip app-ia aajuk
Oqarasuaateqaruit tabletiuteqaruilluunniit Androidilimmik app-ia uani nassaarisinnaavat Google Play-butikken.
iPhoneqaruit iPadeqaruilluunniit app-ia uani nassaarisinnaavat App Store.
Atuagaateqarfiup nittartagaatigut atuarneq tusarnaarnerlu
1. Nittartakkap qulaani talerpiatungaaniittoq ISERIT toorlugu isissaatit.
2. Atorniarniakkat nittartakkap ujaasisarfiatigut UJARUK. Ujaasinissat atuakkanut qarasaasiarmiunut, atuakkanut naalaagassianut podcastinulluunniit taamaallaat ujaasisinnaanngorlugu aaqqissinnaavat, taamaalillutit ujaasininni atuakkat qarasaasiarmiut, atuakkat naalaagassiat podcastilluunniit ujaasiffigerusutatit kisiisa pissarsiarisinnaallugit.
3. Atorniagassap qupperneranut iseruit saamiatungaaniittumi atorniagassap aqqata ataatungaaniittunik toqqaasinnaavutit, atuakkamik, atuakkamik qarasaasiarmiumik, atuakkamik naalaagassiamik podcastimilluunniit ATORNIASSANERLUTIT INNIMINNIISSANERLUTILLUUNNIIT toqqaasinnaallutit.
4. Atorneqarsinnaasumik eqqaamasassanut allattuiffimmiititserusukkaanni uummataasaq toorneqassaaq. eReolenip nittartagaaniittoq eqqaamasassanut allattuiffik atuagaateqarfiup nittartagaanut nuunneqarsinnaanngilaq, eReolenilli app-ianut suli ilanngussisoqarsinnaalluni.
5. Atuakkamik atoruit tassani quppernermi toqqaannaq tusarnaarsinnaanngussaatit imaluunniit atuarsinnaanngorlutit, soorlu eReolenimitut.
6. Qulaani talerperliup tungaani iserfissap toornerani paasissutissat ilinnut tunngasut iserfigigukkit atuakkat sorliit atorsimanerlugit takusinnaavatit.
7. Internet aqqutigalugu atukkat nangillugu tusarnaaqqinniarukku/atuaqqinniarukku, paasissutissat ilinnut tunngasut nassaareriarlugit tusarnaaqqinniakkat atuaqqinniakkalluunniit ammassavat.
8. Atukkavit piffissaa qaangiuppat nammineq utertissaaq.
