Lucinda Riley, 2014

- Inuusuttut inersimasullu romantikkimik, ilaqutariinnut isiginnaagassianik pissanganartulianik oqaluttuarisaanermullu tunngasunik oqaluttuanik nuannarisalinnut.

"Lucinda Riley allappoq silarsuarmi tamarmi misigissutsit, pissanganartut oqaluttuarissaanerlu ataqatigiittut, tammavitsitsisartullu. Nangeqattaartuusut siullianni Qatanngutigiit arnat arfineq marlunni taakku inuunerat isertugaataallu malinnaavigineqarput aamma atuarlugu killitsinnarpoq alutornarlunilu."

- Birthe (Saaffiginnittarfimmi aqutsisoq)

Tony Allan & Paul Dowswell, 2005

- Meeqqanit 10-t missaanni ukiulinnit inuusuttunut oqaluttuanik quilertanartunik nassuiaatissartaqanngitsunillu nuannarisalinnut

"Aliortugalersaarutit nassuiaatissartaqanngitsumillu pisimasut ilumoortut atuartumut qiiaammisaartitsilersinnaasut eqqarsaatersulersitsisinnaasullu atuakkami ataatsimoortinneqarput. Paasiuminartumik pissanganartumillu oqaluttuanut tiguartilertorfiunartumik allataavoq. Ersinartulersaarutinik pitsaasunik kisianni ersinarpallaartorujussuunngitsunut nuannarisalinnut tulluartuuvoq."

- Birthe (Saaffiginnittarfimmi aqutsisoq)

Maria Bach Kreutzmann, 2022

- Oqaluttuatoqqanik soqutigisalinnut

"Oqaluttuatoqqat nuannarivakka uumalu atuakkap uumassusillit assigiinngitsut kusanarluinnartunik assiliartalersukkat tamaasa oqaluttuarivai! Taanna atuagaq “Bestiarium Groenlandica”-mut nanginneritissallugu tulluarluinnartuuvoq, aamma taanna innersuunneqarsinnaalluarluni."

- Birthe (Saaffiginnittarfimmi aqutsisoq)

Wendy & Richard Pini, 1978 – nu

- Kikkunnut tamanut

"Meeraallunga atuarnikuugakku uterfigiuaannarpara, aamma qalipaatigissumik assiliartalersugaanera pissanganartumillu oqaluttuarineqarsimanera suli alutorsaatigivakka. Atuakkami narsap orpiillu iluamiut malittarineqarput, nunarsuarmi ulorianartoqaqisumi uumasut angakkuakkallu ikinngutigiinnerat, sapiissuseq misigisassarsiornerlu pingaarutilittut takutinneqarlutik."

- Birthe (Saaffiginnittarfimmi aqutsisoq)