Nicole Boyle Rødtnes, 2015-2017 

- Inuusuttunut (aamma inuusuttuunngikkaluanut soqutiginnittunut) siunissamut isumalluannginnermik imalinnik soqutigisaqartunut

"Atuakkat pingasut Ilttyvimik atillit siunissap tarrajunneranik imaqarput, nunarsuup silaannaata pitsaajunnaarsimaneranut silaannarmillu amigaateqalersimaneranut akisusinnaaqisumut tunngallutik. Shay parnaarussaammat Shay Troyilu ajornartorsiortorujussuanngorput – aammalu silaannalimmut isersinnaanatik. Ikiortissaminnik pisariaqartinnerpaasaminnik ikiortissarsiortariaqarsimapput.

Inuusuttunut nangeqattaartuliaavoq. Aammali nangeqattaartumik allamik assingusumik peqarpoq, silaannarsuarmi silaannarmik ujaasinermik imaqartumik. 9-nik ukiulinneersunut ukioqqortunerulaarnerusunullu naleqquppoq."

- Malin (Atuagaatilerisoq misigisassarsiortitsisorlu)

Nanna Foss, 2014-2025 (maannamut nangeqattaartut 6-iupput) 

- Inuusuttunut 15-init ukiulinnit

"Atuakkat issusuujupput, kisianni sukkasoorujussuarmik atuagassaasarlutik, atuarlugit aallartikkaanni iperagassaasaratik! Inuusuttut eqimattat nangeqattaartuni malinnaavigineqarput,  inummik eqqumiitsumik nunaannarmi ungasissumi najugaqartumit nakutitaanerannik imaqarlutik. Sivitsunngitsoq pingaarnertut inuttat immikkut piginnaaneqalerput – ataatsimoorlutillu piffissap ingerlanerani angalasinnaalerlutik. Tamanna ajornartorsiutinik pilersitsivoq, ataatsimoorluni aaqqiissuteqarfigisariaqalerluni!"

- Malin (Atuagaatilerisoq misigisassarsiortitsisorlu)

Jennifer Lynn Barnes, 2020

- Paasiuminaassakkanik, misissugassartalinnik kingornussassanillu qularnartulinnik nuannarisaqartunut tamanut

"Avery Grambs niviarsiaraq nalinginnaalluinnartoq angummit atassuteqarfiginngisarigunakkaminit aningaasarpassuarnik kingornusseriataartoq? Angutip ernutai sisamat peqatigalugit ilaquttanut tunngasoq eqqumiitsoq pillugu eqqortumik paasisaqarfigerusullugu aaqqiiviginiartariaqalerpaa – aamma kingornusseriataaratarnissamut tunngasoq. Pissanganarluinnarpoq!"

- Malin (Atuagaatilerisoq misigisassarsiortitsisorlu)

Jennifer Bell, 2021

- 9-nik ukiulinnit

"Arthurimik, Renimik Cecilymillu oqaluttuaq tupinnartumik nalaatsornerinnaasumik ukiunik 400-nik siuartinneqarluni naasoq nuannaraara. Aajuku oqaluttualiamik imalinnik unammisitsinermi ajugaasariaqartut, qarasaasiakkut pinnguaatini inuttaasut
unamminerattut. Una atuakkiaq pissanganartuliaq nuannerpoq, pissanganarluni sukkasoorujussuullunilu, qujanartumik ”Legendarium” nanginnerivaa. Innersuuterujussuagaq!"

- Malin (Atuagaatilerisoq misigisassarsiortitsisorlu)

Boris Hansen, 2021-2024 (serie på 4 bøger)

- Paasiuminaassakkanik, misissugassartalinnik kingornussassanillu qularnartulinnik nuannarisaqartunut tamanut

"Siumut takorluukkiaavoq inuusuttunoortoq piviusuusaartitanik kilitsissianik perlequjaanik ajutuukulasunillu inuttaqartoq, isertorlutik atuakkanut pulallutik iliuutsinik aallertartut
– atuakkami iliuutsit allannguuteqartinnagit. Soorunami perulluliornerpassuaqarpoq, suleqatigiit atuakkanik seqummakunik aaqqiiniaqatigiittariaqalerlutik."

- Malin (Atuagaatilerisoq misigisassarsiortitsisorlu)