Audur Ava Olafsdottir, 2022

- Inersimasunut takisuulianik atuartartunut, oqaluttuanik eqqissisimanartunik eqqarsaatissiisunillu nuannarisalinnut

"Nunat Avannarliit atuakkiortumut nersornaasiuttagaanut Audur Ava Olafsdottirip takisuuaralianngua nersornaasigaasimavoq. Oqaasilerisoq Alba Islandimi nunaannarmi illumik nunaminertamillu pisivoq. Iluatsissangatinneqanngitsumik nunaminertannguaq Eden paradisinngortinniarlugu anguniagaqarpoq. Atuakkami oqaatsit kinaassuserlu sammineqarput, inuttullu inuuneq ilumut qanoq isumaqarnersoq misissoqqissaarneqarluni. Naak taama ilungersunartigisumik pisoqaraluartoq nakutitseriallaqqinnerminik nuannersunngortippaa sumiiffinilu quianartunngortillugit. Innersuuterujussuarpara."

- Peter (Atuagaatilerisoq)

Stine Pilgaard, 2020

- Inersimasunut atuartartunut

"Atuakkami inuttatut pingaarnerutitap inooqatini højskolimi atorfinimmat Jyllandip kitaanut nuupput. Jyllandip kitaanik inuttaanillu oqaluttuarinninnera nuannerluinnarpoq aliikkutaalluinnarlunilu. Atuagassiami apeqquteqartarfiup aqutsisuuffigisaanut apeqqutinillu akissutigisaanut sivisuumik taamaassimananga nipituumik illarsuaartarpunga. Allallaqqissorujussuuvoq – qilanaaritsi"

- Peter (Atuagaatilerisoq)

Ernest Hemingway, 2013

- Inersimasunut atuartartunut

"Hemingwayip oqaluttuaaraliai pingaartumik “Bjerge som hvide elefanter” uannut misigisaqartitsinerpaavoq. Oqaluttualiaaraq oqaaserpassuaqannginnami taamaakkaluartorli sumut tunnganersoq paasinaqqissaarluni. Tupinnartumik misigisimatitsisoq; Festerneq sivisuallaaraangat takorluukkat nunguttarput piviusumullu uteqqittoqartarluni."

- Peter (Atuagaatilerisoq)