2026-mi Nunat Avannarliit atuakkiortumut nersornaasiinerat

Ukiut tamaasa Nunat Avannarliit Siunnersuisoqatigiiffiat nersornaatinik tallimanik nersornaatisisitsisarpoq, tassaasut Nunat Avannarliit Siunnersuisoqatigiiffiata meeqqanut inuusuttunullu atuakkiortumut nersornaasiuttagaa, filmimut nersornaasiuttagaa, inersimasunut atuakkiortumut nersornaasiuttagaa, nipilersortartunut nersornaasiuttagaa aammalu avatangiisinik eriaginnittunut nersornaasiuttagaa. 

Meeqqanut inuusuttunullu atuakkiortumut nersornaatisisitsisarnerup Nunani Avannarlerni meeqqanut inuusuttunullu atuakkiortarnerup nukittorsarnissaa qaffassarnissaalu siunertarivai. Ukioq manna innersuunneqartut 13-it assigiinngitsorpassuartigut pinngortitamik misissuisuupput. Innersuunneqarsimasut akornanni atuakkat assiliartallit, takisuuliat titartakkallu nangeqattaartut innersuunneqarsimasut ilaatigut takuneqarsinnaapput.  

Kalaallit Nunaanneersoq atuagaq assiliartalik Naja arferlu (2025) Karline Nathansenip Pernille Kreutzmannillu atuakkiaat nersornaaserneqartussatut innersuunneqarpoq. Ataatsimiititaliap erseqqissarpaa Karlinep Pernillellu "...atuakkamik assiliartalimmik killitsinnartumik misigissuseqartumillu, issittoq pillugu nunarsuarmiut paasinninnissaannut ersarissumik oqaasertaliisimasut".   

Ullormi oktobarip 20-anni 2026-mi kina nersornaatisissanersoq tamanut nalunaarutigineqassaaq, nersornaasiinerli oktobarip 27-anni Helsinkimi pissalluni.