Groenlandica

Groenlandica tassaavoq Kalaallit Nunaata atuagaateqarfia saniatigullu arlalinnik suliassaqarfeqarluni:

Atuagaateqarfittut nunatta eriagisaat kulturikkut kingornussassat katersussallugit, nalunaarsussallugit kiisalu atuakkat (aviisit, atuagassiat allallu naqiternikut aamma Kalaallit Nunaanni saqqummersinneqarsimasut suulluunniit tamaasa qanoq ittuuneri apeqqutaatinnagit pissarsiariniassallugit qulakkeertussaavagut.Tunniussisussaatitaanermut peqqussummi katersaateqarnissaq qulakkeerniarneqarpoq. Tunniussisussaatitaanermut peqqussut pillugu atuarit. 

Atuagaateqarfittut atuakkat Kalaallit Nunaanni atuakkiortut manuskriptii allallu manuskriptii, saqqummersinneqarsimasut aamma nunat assingi taavalu assit katersat nalunaarsorlugit tammatsaaliorlugillu  katersortussaavai, kalaallit atortutigut tarnikkullu piorsarsimassutsikkut ineriartornerinik ersersitsisut. 

Ilisimatusaatinik atuakkanik atuagassianik allanillu issittunut tunngasunik Kalaallit Nunaanni inuiaqatigiinnut isumaqarsinnaasunik katersuinissaq. 

Ilisimatusarnermut tunngatillugu atuagaateqarfittut qulakkeerniarneqassaaq kalaallisuujunngitsunik atuakkanik allanillu paasissutissanut tunngasunik katersaateqarnissaq nunat issittut pillugit.

Kulturimut tunngassutilinnik siammarterisutut qulakkeerneqassaq katersaatit tamanut ammatinnissaat, tassani ilaalluni sinerissami nunanilu allani atorniartarfinnik suleqateqarneq, taamatullu tamanut ammasumik saqqummersitsisarnikkut, assigiinngitsunik aaqqissuisarnikkut, oqalugiartitsisarnikkut, kulturimut tunngassutilinnik paarlaateqatigiittarnikkut, naqiterinikkut il.il. ilisimasanik misigisanillu siammarterisuusassalluni.

Atortut

Groenlandicap katersugaatai Ilimmarfimmiipput, toqqorsivimmi isumannaatsumi atuagaateqarfimmilu tamanut ammasumi. Nunatta katersugaatai toqqorsivimmiipput isumannaatsumi, immikkullu aamma saniatigut peqqumaateqarluta Nunatta Atuagaateqarfiani inimi ikuallajaatsumi. Ammasumik ilisimatusarnikkut katersukkat Ilisimatusarfiup atuagaateqarfiata katersugaanni akulerussimapput. Atuagaateqarfimmi imaluunniit atuartarfimmi aviisinik filmiliaqqanik imaluunniit atuakkanik immikkuullarissunik isiginnaartoqarlunilu atuartoqarsinnaavoq. Ilisimatusarfiup pigisai atorneqarsinnaapput Ilimmarfimmut arlaannik attuumassutilinnit. Groenlandicap pigisai tamanit atorneqarsinnaapput.

Atuagaateqarfimmi imminut kiffartuunnissannut periarfissaqarputit atorniarnermi utertitsinermilu, aamma qarasaasiaqarpoq atuagaateqarfiup pigisaannik ujaarlerfigisinnaasannik. Sulisunut aperinissat aamma tikilluaqquneqarpoq. Groenlandicap ammasarfiisa nalaanni ornigussinnaavutit Manuutoq 1, 3905 Nuussuaq. Ammasarfiit quppernerup ataani nassaarisinnaavatit.

Aqqutissat: bus.gl nittartagaanut bussit ingerlaarfii takukkit.
Bus normu 2 ilaaffigissavat (unittarfik: Manutooq/Ilimmarfik) imaluunniit bus normu 3 (unittarfik: Siaqqinneq/Ilimmarfik) aqquserngup ataatungaani 50 meterinik ungasissusilimmi inissisimavoq. 

Saaffiginnissutit

Naleqquttunik atortuuteqaraanni Nunatta Atuagaateqarfianut tunissutigerusutanik imaluunniit nalunngisaqaraanni atortunik soqutiginarsinnaasunik, taava atuagaatilerisut attavigikkit uunga groenlandica@katak.gl 

Saaffiginnissutit soorlu apeqqutit, atuakkanik ujaarlernermi ikioqqunerit imaluunniit katersukkanut immikkut isersinnaatitaanerit pillugit aamma groenlandica@katak.gl - mut saaffiginnissinnaavutit. 

Groenlandicap attaveqarnermut paasissutissaatai, allakkanut adresse, GLN-normu il.il. maana takukkit. 

Sulisunik atornianilluunniit immiussilluni apersuisoqassappat groenlandica@katak.gl - mut siusinaarlutit attaveqarit. 

Suliffeqarfik ukiumoortumillu nalunaarutit

Groenlandica Nunatta atugaateqarfiata ataaniippoq. 

Suliffeqarfiup aaqqissuussaanera diagramminngorlugu ugguuna takuuk.

Groenlandicamut Nunatta Atuagaateqarfianullu ukiumoortumik nalunaarutit kingulliit atuakkit.

Najugaq

Manutooq 1
3900Nuuk

Attavissaq

Oqarasuaat: +299 36 23 80

Ammasarfiit

Sap. ak. 12, 18.03 - 24.03Ammasarfiit
Ataasinngorneq
10:00 - 15:00
Marlunngorneq
11:00 - 16:00
Pingasunngorneq
13:00 - 16:00
Sisamanngorneq
12:00 - 16:00
Tallimanngorneq
10:00 - 15:00
ArfininngorneqMatoqqavoq
SapaatMatoqqavoq
Sap. ak. 12, 18.03 - 24.03
next ›‹ previous