Katersugaatit

Groenlandicap katersaatai tamanut ammapput.

Groenlandica atuagaatai kikkunnut tamanut ammapput:atuakkiat oqaluttualiaannaat, ilisimatusaatillu atuakkallu immikkut sammisanik alutornartunik imaqartut, soorlu atuakkat assilisanik kusanarluinnartunik assiliartallit kiisalu pisoqqat qaqutigoortullu.

Atuagaatigineqartut tamarmik tassaapput Kalaallit Nunaanni naqinneqarsimasut imaluunniit Kalaallit Nunaat, inuit imaluunniit nunat issittumiittut pillugit atuakkiaasut.

Groenlandicap atuagaatai immikkoortunut marlunnut avinneqarsinnaapput: atuakkat matoqqasumiittut atuakkallu saqqumisumiittut. Atuakkat matoqqasumiittut tassaapput Kalaallit Nunaata atuagaatai eriagisariallit inuillu ataasiakkaat atuagaatigisarsimasaat eriagisariallit. Atuagaatit matoqqasumiittut atuagaatilerisumik ilaqarluni isumaqatigiissuteqaqqaarluni aatsaat alakkarneqarsinnaapput. Atuagaatit ammasumiittut ilisimatusarnermut naleqqussinnaasut Ilisimatusarfiup atuagaataannut ataatsimoortillugit inissinneqarnikuupput. Ilimmarfiup atuagaateqarfiata ammanerata nalaani atuakkat amerlanersaat annillugit atorneqarsinnaapput.

Atuakkat atuagassiallu saniatigut Groenlandicami assammik aallatat, assit, plakatit, nipilersortartut immiussaat (nuutit, båndit aamma cd-it), filmit aamma video-t katersaatigineqarput.