Om

Kikkut Nunatta Atuagaateqarfianik atuisinnaappat?
Atuagaateqarfik kikkunnit tamanit atorneqarsinnaavoq – aamma sivikitsumik tikeraanit takornarissanillu.

Nunatta Atuagaateqarfia sumut atorsinnaaviuk?
Atuagaateqarfimmi atuakkanik, atuagassianik, naalaagassanik, dvd-inik spilinillu atorsinnaavutit. Atuartarfimmi atuagassianik aviisinilluunniit nutaanerpaanik atuarsinnaavutit.
Sunaluunniit pillugu ujaasiniaruit atuagaateqarfiup ikiorsinnaavatit. Qarasaasiat akeqanngitsumik atorneqarsinnaapput, taakku internetterfiusinnaapput, aamma atugassanik kopeerisinnaavutit skannerillutilluunniit.
Soqarpa iserfigalugu atuagaateqarfiup qanoq allanik ikiorsinnaaneraatit atuarsinnaavutit.

Innarluutillit
Issiavimmik assakaasulimmik atuisut aamma atuagaateqarfik atorsinnaavaat. Isertarfiup eqqaatigut majorallaffeqarpoq, qulaanukarniaraannilu elevatoreqarpoq. Saaffiginnittarfimmi sulisut saaffigalugit elevatori atorneqarsinnaavoq.

Atuagaatilerisumik ikiorneqarneq
Paasissutissanik, allaaserisanik, atuakkanik, sammisanik imaluunniit internettimik atuinissaq pillugu paasisaqarusukkuit Meeqqanut Atuagaateqarfimmi Inersimasullu Atuagaateqarfiani atuagaatilerisumik aperisassaqartuaannarpoq.
Immaqa atuagaatilerisoq allamik ikiugaqarpoq, taamaammat minutsialunnguani atuagaatilerisup allaffiata eqqaani utaqqilaaginnarna atuagaatilerisoq uteqqipallattarpoq.