e-ressourcer

Greenlandic
Nunatta Atuagaateqarfia internet atorlugu atortussianik – quppernernik digitaliusunik atuakkiortunut sammisanullu assigiinngitsunut paasissutissartalinnik ammaassivoq

Faktalink.dk

Faktalink ilinniartunuunerusoq, aammalu inuiaqatigiilerinermut soqutiginnittunut saaffiginnittuuvoq

Faktalink tassaavoq inuiaqatigiilerinermut oqaluttuarisaanermullu sammisanik assigiinngitsunik tunngassutilinnik katersanik imalik. Tassani nassaarineqarsinnaapput allaaserisat timersornermut, piorsarsimassutsimut, oqaluttuarisaanermut, politikkimut, IT-mut, ullutsinni mutiusunut, tusagassiuutinut allarpassuarnullu tunngassutillit. Katersaateqarfik allaaserisanik 800-t missaanniittunik imaqarpoq, sulilu nutarteriffigineqartuarluni, alliartuaarluni, tuusintilinnillu innersuussissutinik linkinik imaqarluni.

Faktalinkimi allaaserisat aaliangersimasumik aaqqissuussaapput, inissitsiternerilu assigiinngissitaarlutik, taamaalilluni aallartiffinnit assigiinngitsuniit atuarneqarsinnaallutik. Allaaserisat tamarmik sammisamut ilisarititsinermik aallarniuteqartarput. Tassanngaanniit itinerusumik pulaffigineqarsinnaapput oqaluttuarisaanermut qiviarnermik aallarnerneqarajullutik. Sammisat paasissutissiineri misissueqqissaarnernik siammasissumillu allaaserinninnernik, oqallisissianik sanilliussinernillu imaqarput. Allaaserisat tamarmik naanilerneqartarput aallerfinnik linkinillu sukumiisumik iserfigineqarsinnaasunik.

Forfatterweb.dk

Forfatterweb (tassaasoq atuakkiortut pillugit paasissutissat), 1996-imi pilersinneqarnikuuvoq, tassaallunilu atuakkiortut qallunaat, nunanilu allaneersut, suli maannamut inuusut aammalu peerutereernikut pillugit leksikoni. Nittartagaq ilisarititsinernik 1300-t missaanniittunik imaqarpoq. Tassani ilaallutik meeqqanut inuusuttunullu atuakkiortut kiisalu titartagartalersuisut (Naqinnerit malillugit atuakkiortut aqqisa allattorsimaffianni immikkuullarissumik nalunaaqutseqqallutik). Qinigassat arlaqarput, atuakkat tusaamaneqarluartut atuakkiortui, aammalu atuakkiani assigiinngitsuni atuakkiortutut aallarterlaat tassani nassaarineqarsinnaallutik. Atuakkiortut ataasiakkaat meeqqanut inersimasunullu atuakkiortutut ilisaritinneqarput, soorlu Bjarne Reuter aamma Christina Hesselholdt.

Atuakkiortunik ilisarititsinissamut ilisarititassanik toqqartuinermi pingaartinneqarpoq atuagaateqarfiit atuakkanik siammarterisinnaanerata tapertaaffiginissaa, aammattaaq ilinniagaqarfinnut fagimi qallunaatut atorluarneqarsinnaasunik toqqaaneq, kiisalu ullumikkumut naapertuuttoq atuakkialerineq malinnaaffigitissinnaajumallugu, atuakkanullu nutaarsiassanut siammarterinermi sunniuteqarluarsinnaajumalluta. Taamaalilluni Forfatterweb atuakkanik atorniartarnermut aammalu ilisimasaqarnerulernissamut sunniuteqarluartuuvoq, aammali siumut tikkuussisuulluni immaqalu atuartartunut ataasiakkaanut atuartakkatoqqaniit nutaanut saanniutitut sunniuteqarsinnaalluni.

Quppernerititaq atuagaateqarfimmi atuisutut iserfigineqarsinnaavoq, appakaanniarnermi inuup normu atorneqassalluni taavalu pinkode allariarlugu atuagaateqarfiup sumiinnera toqqarneqassaaq: Grønland