Oqaatsit pillugit politikkia

Nunatta Atuagaateqarfiata oqaatsit pillugit politikkia

 

Oqaatsit pillugit Nunatta Atuagaateqarfiani politikki suliffiup iluani avammullu attaveqartarnermut tunngatinneqarpoq.

 

Nunatta Atuagaateqarfiata sullissinermi oqaatsit atortagassai.

Nunatta Atuagaateqarfiata akuersaarpaa kalaallisut oqaatsit tassaassasut oqaatsit Kalaallit Nunaanni oqaatsit pingaarnersaat. Nunatta Atuagaateqarfiani oqaatsit kalaallisut qallunaatullu atorneqarput.
Sullissinermi atortakkat allakkiornermut allanullu tunngasut tamarmik kalaallisut qallunaatullu allanneqartarput, soorlu atorniarsinnaanermut maleruagassat, utertitseqqusilluni allakkat, ammasarfiit, pisussat allattorsimaffii, nittartagaq il.il.
Naliginnaasumik allagarsiinermi kalaallisut oqaatsit qallunaatuumiit pingaarninngorlugit siullinngorlugit inissinneqartarput soorlu ussassaarutini, allagartalersuinerni allagarsiinermilu.   
Atugassat qallunaatuuginnaasimagaluarpataluunniit allagarsiussaq aamma kalaallisut allanneqassaaq, kalaallisuinnarnullu tunngatillugu kalaallisuinnaq allassimappat aamma qallunaatut allanneqassaaq, atuisut suna pineqarnersoq paasiniassammassuk.
Nunatta Atuagaateqarfiani oqarasuaat atorlugu, e-mailikkut allatigullu saaffiginnissutit oqaatsinik atukkanik akineqarsinnaapput. Oqarasuaat nammineq akisartoq kalaallisut qallunaatullu oqaluttunik immiussiffigineqarnikuuvoq.